Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly: Pfizer vaktsınasy kimge, qalaı, qashan salynady

2021 jyldyń 21 qazan 2021 12:08

NUR-SULTAN. QazAqparat – QR Bas memlekettik sanıtarııalyq dárigeri Erlan Qııasov AQSh-tyń Pfizer ekpesimen vaktsınatsııalaýǵa qatysty ádistemelik usynymdaryn jarııalady, dep habarlaıdy QazAqparat tilshisi.

Koronavırýsqa qarsy vaktsınanyń bul túrin 12 jastaǵy jáne odan úlken jasóspirimder, júkti áıelder (júktiliktiń 16 aptasynan bastap 37 aptasyna deıin), laktatsııa kezeńindegi áıelder bosanǵannan keıingi kezeń aıaqtalǵan 42 kúnnen keıin).

«Vaktsına saldyrý aldynda koronavırýsqa antıdenelerdiń bolýyna tekserý júrgizilmeıdi. Vırýspen aýyryp jazylǵan adamdarǵa saýyqqannan keıin 3 aıdan soń vaktsınatsııalaýǵa bolady. Jergilikti atqarýshy organdardyń aýmaqtyq densaýlyq saqtaý basqarmalary, Sanıtarııalyq-epıdemıologııalyq baqylaý komıteti jáne oblystyq departamentteri birlesip KVI-ge qarsy vaktsınatsııalaýǵa daıyndyq júrgizý qajet. Sondaı-aq densaýlyq saqtaý júıesiniń barlyq deńgeılerinde jumys toptaryn quryp, is-sharalar josparyn ázirleýi qajet», - delingen málimette.

Ekpe alatyndarǵa jatatyn adam sanyna sáıkes egý brıgadalarynyń qajetti sany, vaktsına, shyǵyn materıaldary, tońazytqysh jabdyqtar, avtokólik sany esepteledi.

Óńirlerdegi Densaýlyq saqtaý basqarmasy aýmaqtyq departamentpen jáne bilim basqarmasymen birlesip jaýapty mamandar qatarynan árbir aýdan, qala boıynsha KVI-ge qarsy vaktsınatsııa júrgizý jónindegi is-sharalardy úılestiretin kýratordy taǵaıyndaýy qajet.

«Bul rette halyqpen jumystyń uıymdastyrylýyna, onyń ishinde azamattardy, kámeletke tolmaǵandardyń ata-analaryn aqparattandyrýǵa nazar aýdarý qajet. Taǵaıyndalǵan kýratorlar: egilýge jatatyn halyqtyń koronavırýsqa qarsy vaktsınatsııalaýǵa daıyndyǵyn baǵalaýdy, árbir egý brıgadasynyń talapqa saı jasaqtalýyn, vaktsınany tońazytqysh jabdyqtarynda saqtaý jáne tasymaldaý qaǵıdalarynyń saqtalýyn, ekpelermen jumys, egý tehnıkasy, egýge ruqsatty durys anyqtaý, vaktsına salynǵan soń ımmýndaýdan keıingi qolaısyz kóriniste rboıynsha medıtsına qyzmetkerleriniń bilimin baǵalaýdy júzege asyrýy tıis», - delingen ádistemelik usynymda.


Joǵary qaraı