Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly: Nur-Sultan qalasynda kafe men restorandardyń jumys kestesi qysqartylady

2021 jyldyń 15 shilde 2021 01:08

NUR-SULTAN. QazAqparat – Nur-Sultan qalasynyń bas sanıtar dárigeri Sarhat Beısenovanyń jańa qaýlysyna sáıkes, meıramhanalar, dámhanalar, kofehanalar tıpindegi qoǵamdyq tamaqtaný obektileriniń jumysyna talap kúsheıtildi, dep habarlaıdy QazAqparat.

Meıramhanalar, dámhanalar, kofehanalar tıpindegi (ǵımarattardyń ishinde jáne ashyq aýada) qoǵamdyq tamaqtaný obektileri ornalasqan jerine qaramastan myna talaptardy saqtaı otyryp jumys isteıdi:

Kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy jáne kórshiles ústelderdiń shetki oryndary arasynda keminde 2 metr áleýmettik qashyqtyqty saqtaı otyryp, toltyrylýy 50%-ǵa deıin, biraq 30 orynnan aspaıtyn sharttardy saqtaǵan jaǵdaıda jumys kúnderi saǵat 07:00-den 17:00-ge deıin jumys kestesin belgileýmen qyzmet kórsetedi. Senbi jáne jeksenbi kúnderi jumystaryna tyıym salynady, tamaqty jetkizý jáne shyǵarýdy shtattyq rejımde júzege asyrady.

«Ashyq» jobasyna qatysatyn obektiler jumys kúnderi saǵat 07.00-den 20.00-ǵa deıin jumys isteıdi, senbi jáne jeksenbi kúnderi demalady.

Ujymdyq, saltanatty, otbasylyq, eske alý (banketter, úılený toılary, mereıtoılar, eske alý jáne t. b.) jáne basqa da buqaralyq is-sharalardy («Ashyq» jobasyna qatysatyn obektilerde eske alýdy ótkizýdi qospaǵanda) uıymdastyrýǵa jáne ótkizýge qatań tyıym salynady.

Ashanalar tıpi boıynsha qoǵamdyq tamaqtaný obektileri ornalasqan jerine qaramastan, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy jáne kórshiles ústelderdiń shetki oryndary arasynda keminde 2 metr áleýmettik qashyqtyqty saqtaı otyryp, jumys jáne demalys kúnderi saǵat 07:00-den 21:00-ge deıin qyzmet kórsetedi, ǵımarat ishinde toltyrylýy 50%-ǵa deıin bolý kerek, biraq 30 orynnan aspaýy tıis.

Qujattyń tolyq mátinimen myna silteme arqyly tanysýǵa bolady.

Avtor Erbol Janat
Basty sózder: Nur-Sultan, Koronavırýs, Karantın,
Joǵary qaraı