Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jańa qaýly: «Qyzyl» aımaqtaǵy nysandar demalys kúni jumys isteıdi

2021 jyldyń 21 qazan 2021 12:28

NUR-SULTAN. QazAqparat – QR Bas memlekettik sanıtarııa dárigeri Erlan Qııasovtyń jańa qaýlysy jarııalandy, dep habarlaıdy QazAqparat tilshisi.

Qujatta jazylǵandaı, «Ashyq» jobasyna qatysatyn obektiler jumys jáne demalys kúnderi «qyzyl» jáne «qonyr qyzyl» aımaqtarda ornalasqan ónirlerde saǵat 00.00-ge deıin ashyq bolady.

Al joba kóshbasshylary úshin saǵat 02.00-ge deıin jumys isteýge ruqsat berildi.

«Sary» aımaqta ornalasqan oblystardaǵy nysandar saǵat 01.00-ge deıin, joba kóshbasshylary saǵat 03.00-ge deıin jumys isteıdi.

«Jasyl» aımaqta ornalasqan ónirlerde saǵat 03.00-ge deıin, «Ashyq» jobasynyń kóshbasshylary úshin saǵat 05.00-ge deıin jumys rejımi belgilendi. Talap boıynsha demalys kúnderi qyzmetkerler men kelýshilerde «jasyl mártebe» bolýy tıis. Dese de «jasyl mártebe» bolýyna jáne jumys rejımin shekteýge qoıylatyn talap oblysaralyq jáne oblysishilik turaqty tasymalǵa, qonaq úılerge, áýejaılarǵa, temirjol, avtokólik beketterine, ózen jáne teńiz porttaryna, avtostantsııalarǵa, jolaýshylarǵa qyzmet kórsetý pýnktterine, bilim berý obektilerine, JOO-ǵa, kolledjderge, ınternattarǵa, bilim berý uıymdarynyń jataqhanalaryna qoldanylmaıdy», - delingen qaýlyda.

Medıtsınalyq uıymdarda, qarttar men múmkindigi shekteýli adamdarǵa arnalǵan medıtsınalyq-áleýmettik obektilerde, balalar úılerinde, áleýmettik ońaltý ortalyqtarynda sanıtarlyq-dezınfektsııalyq rejım qatań saqtalýy tıis.

Áleýetti ata-analar berilgen kúninen bastap 3 táýlikten aspaıtyn ýaqyt ótken, teris nátıjesi bar PTR ádisimen COVID-19-ǵa zerthanalyq tekserilgeni týraly qujatty nemese vaktsınanyń tolyq kýrsyn alǵanyn rastaıtyn qujatty usynǵan kezde jetim balalardy odan ári asyrap alý, qorǵanshylyqty, qamqorshylyqty belgileý úshin balalar úılerine bara alady.


Joǵary qaraı