Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Jambyldyq oqýshylardyń 60 paıyzdan astamy qashyqtan bilim alyp jatyr

2020 jyldyń 27 qarasha 2020 06:30

TARAZ. QazAqparat – Jambyl oblysynda oqýshylardyń 60 paıyzdan astamy qashyqtan bilim alýda.

Bul týraly Jambyl oblystyq bilim basqarmasynyń basshysy Gúlnár Qojabergenova óńiplik kommýnıkatsııalar qyzmetinde ótken brıfıngte aıtty,- dep habarlaıdy QazAqparat tilshisi.

Aımaqtyń bas ustazy negizinen pandemııa kezindegi bilim berý baǵyty boıynsha júrgizilip jatqan jumystarǵa toqtaldy.

«Búginde oblys boıynsha jalpy sany 442 mektep bar desek, onda 238 682 oqýshy oqıdy. Byltyr 230 860 oqýshy bolatyn. ıAǵnı óńirde oqýshy sany óskeni baıqalady. Degenmen dert dendegen búgingi kúni oblystaǵy oqýshylardyń 60,1 paıyzy qashyqtan sabaq oqyp júr. ıAǵnı ІІ toqsan bastalǵaly 221 mektepte 144 656 oqýshy qashyqtan bilim alýda. Al epıdemıologııalyq jaǵdaıy turaqty shalǵaı eldi mekenderde ornalasqan 234 mektepte 36 632 oqýshy dástúrli túrde bilim alýda. Sondaı-aq oqýshy sany 300-den aspaıtyn mektepterde 1-5 synyptar úshin 4493 «kezekshi synyptar» ashylǵan. Onda 59 425 oqýshy dástúrli túrde oqıdy»,-dedi G.Qojabergenova.

Brıfıng barysynda orta oqý oryndaryndaǵy bilim berý jaǵdaıy da qozǵaldy.

Spıkerdiń sózinshe, oblystaǵy 46 kolledjde 23 700 stýdent bilim alýda. Onyń ishinde 39 kolledjde 19 561 stýdent qashyqtan, al 7 kolledjde 1 298 stýdent shtattyq rejımde oqyp jatyr eken.

Basqarma basshysy oblys boıynsha oqýshylarǵa oryn jetispeıtindigin jasyrmady. Búginde 7 mektepte oryn tapshylyǵy baryn aıtty.

«Bıyl 1 mekteptiń qosymsha ǵımaratynyń qurylysy aıaqtalýyna baılanysty másele sheshiledi. Qalǵan 6 mekteptiń máselesin 2021 jyly salynatyn 4 jańa mekteptiń qurylysy esebinen sheshý josparlanyp otyr»,-dedi, basqarma basshysy.

Budan bólek aımaqta apatty dep tanylǵan 3 oqý ordasy bar. Ol mektepterdiń máselesi kelesi jyly sheshimin tappaq. Osy baǵytta 1 jańa qurylys jáne 2 japsarlas qurylys júrgizý josparlanýda.


Avtor Saıa Sembaı
Basty sózder: Bilim, Jambyl oblysy,
Joǵary qaraı