Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyldaǵy jarylystan kóz jumǵan órt sóndirýshilerdiń týystaryna nagradalar tabys etildi

2021 jyldyń 17 qyrkúıek 2021 17:32

JAMBYL OBLYSY. QazAqparat - Jambyl oblysynda qaıtys bolǵan órt sóndirýshilerdiń otbasylaryna memlekettik nagradalar tabys etildi. Bul týraly QazAqparat TJK silteme jasap habarlaıdy.

Qazaqstan Prezıdenti Qasym-Jomart Toqaev Jambyl oblysynda áskerı qoımadaǵy órtti sóndirý barysynda qaıtys bolǵan qutqarýshylar men áskerı qyzmetshilerdi marapattady.

Shymkent qalasyna jumys saparymen barǵan Tótenshe jaǵdaılar mınıstri ıÝrıı Ilın jáne qala ákimi Murat Áıtenov Jambyl oblysy TJD Órt sóndirý jáne avarııalyq-qutqarý jumystary qyzmeti №1 mamandandyrylǵan órt sóndirý bóliminiń órt sóndirýshisi-qutqarýshysy Turmanov Jánibek Jasuzaqulynyń aǵasyna ІІІ dárejeli «Aıbyn» ordenin tabys etti. Shara túske deıin Shymkent qalasy Tótenshe jaǵdaılar departamentinde ótti.

Tústen keıin ıÝrıı Ilın Jambyl oblysynyń Taraz qalasyna bardy. Tótenshe jaǵdaılar mınıstri men oblys ákimi Berdibek Saparbaev Jambyl oblysy TJD Órt sóndirý jáne avarııalyq-qutqarý jumystary qyzmetiniń qaıtys bolǵan órt sóndirýshileriniń týystaryna memlekettik nagradalardy tabystady.










Áskerı jáne qyzmettik boryshyn atqarýda kórsetken erligi men janqııarlyǵy úshin marqum Zaıkın Sergeı Vladımırovıch Jambyl oblysy TJD Órt sóndirý jáne avarııalyq-qutqarý jumystary qyzmeti № 3 órt sóndirý bóliminiń qaraýyl bastyǵy І dárejeli «Aıbyn» ordenimen, № 4 órt sóndirý bóliminiń órt sóndirýshileri-qutqarýshylary Ádilbek Ádilet Qanatbekuly men Keńes Álibı Beksultanuly, № 1 mamandandyrylǵan órt sóndirý bóliminiń avtomobıl júrgizýshisi-qyzmetkeri Qýatbek Ǵafan Jomartuly ІІІ dárejeli «Aıbyn» ordenimen marapattaldy.




Sharaǵa qatysýshylar jarylys saldarynan qaıtys bolǵan órt sóndirýshilerdi bir mınýt únsizdikpen eske aldy.

ıÝrıı Ilın Jambyl oblysynda bolǵan qaıǵyly oqıǵa saldarynan qaıtys bolǵan órt sóndirýshilerdiń týǵan-týystaryna kóńil aıtty. Mınıstr óz sózinde azamattyq qorǵaý organdarynyń qyzmetkerleri olardyń otbasylaryna aldaǵy ýaqytta da qoldaý kórsetetinin, al balalary Tótenshe jaǵdaılar mınıstrliginiń Málik Ǵabdýllın atyndaǵy Azamattyq qorǵaý akademııasyna túsýge nıet bildirse, kómek kórsetiletinin atap ótti.

Eske sala keteıik, 26 tamyzda Jambyl oblysynyń áskerı qoımalardyń birinde jarylys boldy. Jarylys saldarynan qaza tapqandar sany on jeti adamǵa jetti. Onyń ishinde 10 azamattyq qorǵaý organdarynyń qyzmetkeri, Qorǵanys mınıstrliginiń 6 áskerı qyzmetkeri jáne bir áskerı prokýror bar.








Joǵary qaraı