Aýa raıy
Astana -13 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Jambyldaǵy shalǵaı aýyldarǵa «Taza júrek» densaýlyq kerýeni attandy

2020 jyldyń 23 qazan 2020 22:56

TARAZ. QazAqparat – Jambyl oblysynda «Taza júrek» kerýeni bastaý aldy. Kerýen Taraz qalasynan oblystyń aýdan, aýyldaryna qaraı jol tartty, - dep habarlaıdy QazAqparat tilshisi.

Shara«Volonterlar jylyna» oraı oblys ákimdiginiń jastar saıasaty máseleleri basqarmasynyń bastamasymen «Saýlyq» jalpyulttyq jobasy aıasynda uıymdastyrylýda. Shalǵaı aýyl, aýdan turǵyndarynyń densaýlyqtaryn tekserip, qajetti em sharalaryn ótkizý maqsatynda arnaıy medıtsınalyq quralmen jabdyqtalǵan 7 densaýlyq kerýeni ár eldi mekende 1 kúnnen aıaldaıdy. Onyń quramynda tájirıbeli kardıologtar men volonterlardan quralǵan mobıldi top turǵyndarǵa tegin medıtsınalyq qyzmet kórsetedi.

Kerýenniń jolǵa shyǵý saltanatyna oblys ákimi Berdibek Saparbaev arnaıy qatysyp, sharanyń mańyzdylyǵyn tilge tıek etip, aq halattylar men eriktilerge alǵysyn arnap, sáttilik tiledi. Sondaı-aq aımaq basshysy koronavırýstyń yqtımal ekinshi tolqynyna degen daıyndyq barysy, densaýlyq saqtaý salasynda atqarylyp jatqan jumystar týraly toqtalyp ótti.

Al, oblystyq jastar saıasaty máseleleri basqarmasynyń basshysy Serikbol Berikqoja kerýenniń jumysynyń maqsatyn tilge tıek etti.

«Mobıldi top músheleri arnaıy qurylǵymen jabdyqtalǵan kóliktermen Taraz qalasy men aýdandarǵa jolǵa shyǵady. Top óz qyzmeti sheńberinde eldi mekenderdegi júrekteri aýyratyn adamdardy anyqtaıdy. Skrınıngtik tekserýdi uıymdastyrady. Sonymen qatar, saýalnamalar júrgizip jáne taratpa materıaldardy úlestiredi»,-dedi ol.








Avtor Saıa Sembaı
Basty sózder: Medıtsına, Jambyl oblysy,
Joǵary qaraı