Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda jyl basynan beri 3 adam sýǵa ketken

2021 jyldyń 21 shilde 2021 17:27

TARAZ. QazAqparat – Jambyl oblysynda ózen, kólderdegi reıdtik sharalar jalǵasýda ,-dep habarlaıdy QazAqparat tilshisi.

Jambyl oblysy TJD Órt sóndirý jáne avarııalyq-qutqarý jumystary qyzmetiniń Jedel qutqarý jasaǵynyń qutqarýshylary men «Taraz 24» telearnasynyń tilshileri birlese otyryp Taraz qalasyna jaqyn ornalasqan Talas ózeniniń arnalaryna «Sýǵa shomylý maýsymyndaǵy qaýipsizdik sharaalryn saqtaý» boıynsha reıd uıymdastyrdy.

Júrgizilgen reıd barysynda ózen mańynda shomylyp júrgen turǵyndarǵa sýdaǵy qaýipsizdik sharalaryn saqtaý taqyrybyndaǵy jadnamalar taratylyp, úgit-nasıhat jumystary júrgizildi. Sondaı-aq turǵyndarǵa sýǵa batyp bara jatqan adamdy qutqarý ádisteri tájirıbelik turǵydn kórsetildi.

Eske sala ketsek, aǵymdaǵy jyly shomylý maýsymy bastalǵaly beri 3 adam sýǵa batý jaǵdaıy boıynsha qaza bolyp, 5 adam qutqarýshylarmen sýdan quqtqarylǵan. Oblys qutqarýshylarymen oblystyń barlyq basseınderinde úgit-nasıhat jumystary júrgizildi, demalýshylarǵa jadnamalar taratyldy jáne daýyszoraıtqysh quraldary arqyly sý aıdyndaryndaǵy qaýipsizdik sharalary eskertildi.

«275 qaýipsizdik belgiler (2020 jyly- 166), 39 bılbord ornatyldy. Sonymen qatar mektep oqýshylarymen 63 ınteraktıvti sabaq ótkizilip, 18 beınerolık ázirlendi. Atalǵan taqyrypta oblys turǵyndarymen 252 jıyn ótkizildi. Qazirgi ýaqytta oblystyń jazǵy lagerlerinde profılaktıkalyq jáne úgit-nasıhat jumystaryn júrgizý jumystary jalǵasýda», -delingen vedomtsvo habarlamasynda.


Joǵary qaraı