Aýa raıy
Astana -2 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda jezóksheler men jeńgetaılar anyqtaldy

2020 jyldyń 17 qyrkúıek 2020 07:30

TARAZ. QazAqparat – Jambyl oblysynda «TOQTA, trafık!» jedel-aldyn alý is-sharasy barysynda jeńgetaılyqpen aınalysqan áıel jáne jezókshelikpen aınalysqan tórt qyz esepke qoıyldy,- dep habarlaıdy QazAqparat tilshisi.

Sondaı-aq, shara aıasynda qoǵamdyq oryndarda tıisý derekterimen 29 hattama tirkeldi, olar boıynsha QR ÁQBtK-niń 449-baby 1-bóligimen ákimshilik hattamalar toltyryldy. Budan basqa, kórineý jezókshelikpen aınalysý nemese jeńgetaılyqqa úı-jaılar bergeni úshin QR ÁQBtK-niń 450-babynyń 1-bóligi boıynsha bir hattama jasaldy.

«Toqta, trafık!» jedel-aldyn alý is-sharasynyń negizgi maqsaty – adam saýdasy, bas bostandyǵynan zańsyz aıyrý, jezókshelikpen aınalysýǵa tartý, prıtondar men jeńgetaılyq derekteriniń aldyn alýǵa jáne anyqtaýǵa baǵyttalǵan.

Atap aıtsaq, Taraz qalasynyń shaǵynaýdandarynyń birinde ornalasqan saýyqtyrý kesheninde ákimshi retinde 45 jastaǵy áıel anyqtaldy, ol qyzdarǵa ıntım qyzmetterin kórsetý úshin prıton uıymdastyrǵan. Barlyq aıyptalýshylar ustaldy. Atalǵan derekke qatysty QR QK-niń 309-babynyń 1-bóligi (Jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq) boıynsha sotqa deıingi tergeý bastaldy.

«Sonymen qatar, zańsyz kóshi-qondy uıymdastyrý deregi boıynsha bastalǵan qylmystyq isti tergeý barysynda polıtsııa qyzmetkerleri zańsyz kóshi-qondy uıymdastyrýǵa qatysy bar Qordaı aýdanynyń 20 jastaǵy eki turǵynyn ustady. Atalǵan turǵyndar QR aýmaǵynda bolý ýaqytyn uzartqysy keletin sheteldik azamattarǵa jalǵan qujattar jasaǵan. Atalǵan derekke qatysty QR QK-niń 394-babynyń 2-bóligi (Zańsyz kóshi-qondy uıymdastyrý) boıynsha sotqa deıingi tergeý bastaldy. Jalpy, atalǵan baǵyttaǵy jumystar jalǵasatyn bolady», – deıdi oblystyq Polıtsııa departamenti bastyǵynyń orynbasary Nurjan Qalmetov.


Avtor Saıa Sembaı
Basty sózder: Jambyl oblysy, Qylmyspen kúres,
Joǵary qaraı