Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambylda jaıaý adamdy qaǵyp óltirip, qashyp ketken júrgizýshi ustaldy

2022 jyldyń 20 mamyr 2022 12:04

TARAZ. QazAqparat – Jambyl oblysynda jaıaý júrginshini qaǵyp, oqıǵa ornynan qashyp ketken júrgizýshi izin sýytpaı ustaldy,- dep habarlaıdy QazAqparat tilshisi.

19 mamyrda saǵat 05:30 shamasynda aýdandyq mańyzy bar «Aısha bıbi-Qarataý» kólik jolynyń 3-shaqyrymynda jol-kólik oqıǵasy oryn aldy. Belgisiz tulǵa 45 jastaǵy er adamdy qaǵyp, belgisiz baǵytqa qashyp ketken. Jaıaý júrginshi oqıǵa ornynda alǵan dene jaraqattary saldarynan qaıtys boldy.

Jambyl oblysynyń Polıtsııa departamenti Jergilikti polıtsııa qyzmeti basqarmasynyń qyzmetkerleri jedel áreket etip, nátıjesinde «Aýdı-80» kóliginiń 28 jastaǵy júrgizýshisi anyqtalyp, ustaldy.

«Atalǵan derekke qatysty QR QK- niń 345 jáne 347-baptary boıynsha sotqa deıingi tergeý amaldary bastaldy. Ustalǵan azamat kinásin moıyndady. Kólik turaqqa qoıyldy. Birqatar tıisti saraptamalar kesheni taǵaıyndaldy» delingen polıtsııa departamentiniń habarlamasynda.

Eske sala keteıik, buǵan deıin Jambyl oblysynda zorlyq-zombylyqpen óltirilgen áıeldiń máıiti tabylǵandyǵy týraly jazǵan bolatynbyz.

Ol boıynsha jedel-izdestirý is-sharalarynyń nátıjesinde polıtsııa qyzmetkerlerimen osy qylmysty jasady degen kúdikpen 32 jastaǵy Taraz qalasynyń turǵyny anyqtalyp, ustalǵan.




Avtor Saıa Sembaı
Basty sózder: Oqıǵa, Kólik, Jambyl oblysy,
Joǵary qaraı