Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambylda ustalǵandardan 150-den astam qarý-jaraq alyndy

2022 jyldyń 18 qańtar 2022 09:33

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken óńirlik jedel shtabtyń kezekti otyrysynda birqatar máseleler qaraldy, dep habarlaıdy QazAqparat tilshisi.

Aımaq basshysy óńirdegi jaǵdaıdyń turaqtalǵanyn, degenmen izdestirý sharalary áli de jalǵasyp jatqanyn jetkizdi.

Jalpy, 4-6 qańtar kúni Taraz qalasyndaǵy jappaı tártipsizdikterge qatysqan 2563 kúdikti polıtsııaǵa jetkizildi.

Quqyq qorǵaý organdary tarapynan júrgizilgen jedel operatsııalardyń nátıjesinde ustalǵandardyń 458-i ákimshilik jaýapkershilikke tartylsa, 51-ine qylmystyq is qozǵalǵan.

Ustalǵandardan tárkilengen jáne zańsyz aınalymnan alynǵan qarý-jaraqtardyń sany 156-ǵa jetti.

Oblys ákimi qarý-jaraqtardyń esebin júrgizý, azamattardyń óz erkimen tapsyrýy, zańsyz aınalymnan tárkileý sharalaryn jedeldetý kerektigin basa aıtty.

Qazirgi tańda oblys aýmaǵynda 28 blokbeket jumys jasap tur. Basqosý barysynda olardyń sanyn azaıtý máselesi qaraldy.

Qaıtys bolǵan azamattardyń otbasylarymen psıhologııalyq jumystar júrgizý, mektep oqýshylary jáne kolledj stýdentteri boıynsha túgendeý, ata-analarynyń jaýapkershiligin arttyrý jaıy nazarǵa alyndy.

Jıyn qorytyndysymen jaýapty tulǵalarǵa naqty tapsyrmalar júktegen Berdibek Saparbaev halyqtyń qaýipsizdigin, qoǵamdyq tynyshtyqty qamtamasyz etý boıynsha barlyq tıisti sharalar baqylaýda bolý kerektigin tapsyrdy.


Joǵary qaraı