Aýa raıy
Astana -14 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda urlanǵan 72 bas mal ıelerine qaıtaryldy

2020 jyldyń 20 qarasha 2020 09:47

TARAZ. QazAqparat – Jambyldyq polıtseıler 3 kúndik «Mal urysy» jedel-aldyn alý is-sharasyn ótkizdi,- dep habarlaıdy QazAqparat tilshisi.

«Mal urysy» jedel-aldyn alý is-sharasynyń 3 kúni ishinde oblystyń polıtsııa qyzmetkerlerimen mal urlyǵynyń 16 deregi ashyldy. Qabyldanǵan sharalar nátıjesinde ıelerine 72 bas mal qaıtaryldy. Bul týraly oblystyq polıtsııa departamentiniń baspasóz qyzmeti habarlady.

«Máselen, aǵymdaǵy jyldyń 18 qarashasynda polıtsııaǵa T.Rysqulov aýdany turǵyndarynyń biri belgisiz tulǵalarmen jaıylymnan 23 bas iri qara mal urlanǵany, shyǵyn kólemi 5 mln. teńgedeı zalal keltirgeni týraly habarlasty. Jedel-izdestirý sharalary barysynda Baızaq aýdanynyń 43 jáne 44 jastaǵy eki turǵyny anyqtaldy. Ustalǵandar ÝUI-ǵa qamaqqa alyndy. QR QK-niń 188-1-baby 3-bóligi (mal urlyǵy) boıynsha sotqa deıingi tergeý bastaldy»,-delingen habarlamada.

Aıta keteıik, oblys boıynsha aǵymdaǵy jyldyń 10 aıynda 169 mal urlyǵy tirkelgen. Urlanǵan 623 bas maldyń 295-i ıelerine qaıtarylyp, jalpy somasy 30 mıllıon teńgeden astam materıaldyq shyǵyn óteldi. Mal urlyǵynyń tirkelgen derekteri boıynsha polıtsııa qyzmetkerleri 93 adamdy, onyń ishinde 35 adamnan turatyn 16 topty qolǵa túsirgen.

Jambyl oblysynyń Polıtsııa departamenti azamattardy jeke qosalqy sharýashylyqtardaǵy maldaryna baqylaýdy kúsheıtýdi jáne jaıylymdarda qaraýsyz qaldyrmaýdy, sondaı-aq beıtanys adamdarǵa mal jaıdyrmaýdy eskertedi.


Joǵary qaraı