Aýa raıy
Astana 8 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda urlanǵan 122 bas qoı tabylyp, ıesine qaıtaryldy

2020 jyldyń 10 tamyz 2020 03:04

TARAZ. QazAqparat – Jambyl oblysynda sharýa qojalyǵynan urlanǵan 122 bas qoı tabyldy, kúdiktiler qolǵa tústi, - dep habarlaıdy QazAqparat tilshisi.

Aǵymdaǵy jyldyń 5 tamyzy kúni Jambyl oblysy T. Rysqulov aýdandyq polıtsııa bólimine osy aýdannyń 42 jastaǵy turǵynynan fazendasynan 122 bas qoı maly joǵalǵany týraly habarlama túsken. Keltirilgen jalpy shyǵyn kólemi 4 mln. 880 myń teńgeni quraǵan. Bul týraly oblystyq Polıtsııa departamentiniń baspasóz qyzmeti habarlady.

«Atalǵan derek boıynsha aýdandyq polıtsııa bólimi qyzmetkerleri júrgizgen jedel-izdestirý jumystarynyń barysynda fazendadan 15 shaqyrym qum jıeginen 109 bas maly tabylyp, ıesine qolhatpen qaıtaryldy. Sonymen qatar, qylmysqa qatysy bar T.Rysqulov aýdanynyń 46 jastaǵy turǵyny anyqtaldy. Oǵan qosa, kúdiktiniń 41 jastaǵy sybaılasy bar ekendigi belgili bolyp, qazirgi tańda izdestirilýde. Ol Qyrǵyz Respýblıkasynyń azamaty»,- delingen vedomstvo habarlamasynda.

Sondaı-aq, jedel izdestirý nátıjesinde qalǵan 13 bas qoı Lýgovoı aýyly mańynan tabylyp, ıesine qolhatpen qaıtaryldy. Qazirgi ýaqytta atalǵan derekke qatysty QR QK-niń 188-1-baby 3-bóligi 2-tarmaǵymen sotqa deıingi tergeý amaldary júrgizilýde.


Avtor Qajy Murat
Basty sózder: Qylmyspen kúres, Jambyl oblysy,
Joǵary qaraı