Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda úkimettik emes uıymdardyń forýmy ótti

2020 jyldyń 20 qarasha 2020 07:44

TARAZ. QazAqparat – Taraz qalasynda «Azamattyq qoǵam jáne memleket: seriktestik pen damýdyń 30 jyly» oblystyq forýmy ótti, dep habarlaıdy QazAqparat tilshisi.

Onlaın rejımde ótken forým alańynda úkimettik emes uıymdar men memlekettik sektor ókilderi óz jumysynyń nátıjesin talqylap, aldaǵy kezeńge arnalǵan jospardy aıqyndady.

Jambyl oblysynyń ákimi Berdibek Saparbaev forým qatysýshylaryn arnaıy quttyqtady. Ol 30 jyl ishinde seriktestik, memleket pen azamattyq sektor arasyndaǵy yntymaqtastyq júıeli sıpatqa ıe bolǵanyn atap ótti.

Búgingi kúni oblysta alty saıası partııa, 894 úkimettik emes uıym, 356 dinı birlestik, 12 qoǵamdyq keńes, 15 kásipodaq uıymy tirkelgen.




«Memlekettik saıasattyń mańyzdy baǵyttarynyń biri – azamattyq qoǵam ınstıtýttaryn damytý úshin qolaıly jaǵdaılar jasaý. Biz sizderdiń halyq arasynda qalaı jumys jasap jatqandaryńyzdy kórip, bilip otyrmyz. 30 jyl ishinde Qazaqstannyń úkimettik emes uıymdary ózderiniń mańyzdy rólderin kórsetip, elimizdiń naǵyz patrıottary ekenin dáleldedi. Biz muny jaqsy túsinemiz, aldaǵy ýaqytta da óńir turǵyndarynyń ıgiligi úshin birlesip jumys isteıtin bolamyz, - dedi óńir basshysy.

Ol azamattyq qoǵamdy damytýdyń 2025 jylǵa deıingi tujyrymdamasy memorgandardyń úkimettik emes uıymdarmen ózara is-qımyl tetikterin jetildirýge kómektesetinine senim bildirdi.

QR Aqparat jáne qoǵamdyq damý vıtse-mınıstri Bolat Tilepov memleket áleýmettik bastamalardy árdaıym qoldaıtynyn basa aıtty.

«Jambyl oblysynda azamattyq sektor qoǵamdyq baqylaý quraldaryn tabysty paıdalanýda, volonterlik belsendi damyp jatyr. Bilim sapasyn jaqsartýǵa, azamattardyń densaýlyǵyn saqtaýǵa, turǵyndardyń quqyqtary men zańdy múddelerin qorǵaýǵa erekshe kóńil bólingen», - dedi ol.

Qazaqstan Azamattyq Alıansynyń prezıdenti Baný Nurǵazıeva áriptesin qoldap, Jambyl oblysyndaǵy jergilikti atqarýshy organdar men úkimettik emes sektor turaqty baılanysyn atap ótti.

Forým sharalary paneldik sektsııalarǵa ulasty.

Bul kúni «Jomart júrek» syılyǵynyń laýreattary men «ASAR» syılyǵynyń jeńimpazdary marapattaldy.

Azamattyq sektordyń eń belsendi ókilderine «Halyq alǵysy» medali jáne oblys ákiminiń alǵys haty tabystaldy.








Joǵary qaraı