Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda teplovoz ben avtokólik órtendi

2021 jyldyń 20 shilde 2021 09:48

TARAZ. QazAqparat – Jambyl oblysynda bir kúnde teplovoz men avtokólik órti tirkeldi, dep habarlaıdy QazAqparat tilshisi.

Jambyl oblysynda qazirgideı jazǵy maýsymda órt sóndirýshiler men qutqarýshylardyń jumysyna muqtaj azamattar qatary arta túsken. Ortasha eseppen kún saıyn jedel basqarý ortalyǵyna tótenshe jaǵdaılar týraly 20-dan astam habarlama kelip túsýde. Bul týraly oblystyq tótenshe jaǵdaılar departamentiniń baspasóz qyzmeti habarlady.

«Aıtalyq, ótken táýlikterde Talas aýdanynyń №12 órt sóndirý beketiniń «101» telefonyna, Talas aýdanynyń Tabakbulaq stantsııasyndaǵy teplovozdyń órti týraly habarlama kelip túsken. Shaqyrý ornyna órt sóndirý beketiniń kúshteri men quraldary jiberildi. Kelgen boıda órt sóndirýshilerdiń kásibı is-áreketteriniń arqasynda órt bir saǵat ishinde oqshaýlandy, bir jarym saǵatta sóndirilgen. Órttiń jalpy aýdany 50 sharshy metrdi qurady. Órttiń shyǵý sebebi anyqtalýda. Qaza bolǵandar men zardap shekkender joq»,-delingen habarlamada.




Sondaı-aq, sol kúni Almaty-Tashkent tas jolynda kóliktiń órtengeni týraly habarlama kelip túsken. Oqıǵa ornyna Taraz qalasynyń №2 mamandandyrylǵan órt sóndirý bóliminiń kúshteri men quraldary dereý jiberilip, órtti sóndirý boıynsha barlyq qajetti sharalardy qabyldanǵan. Órt sóndirýshi-qutqarýshylardyń is-qımyldary nátıjesinde tilsiz jaý oqshaýlanyp, joıylǵan. Órttiń shyǵý sebebi anyqtaý boıynsha sharalar qolǵa alynǵan desek, qaza bolǵandar men zardap shekkender tirkelmegen.

Sonymen qatar, órt sóndirýshi-qutqarýshylar kún saıyn qurǵaq shóptiń janýyn joıyp, quqyq qorǵaý organdaryna kómekke, jol-kólik oqıǵalary, sý basý , adamdardy, sondaı-aq janýarlardy qutqarýǵa barady.

«Osyǵan oraı Jambyl oblysy TJ departamenti oblys jáne qala turǵyndarynan órt nemese tótenshe jaǵdaı týyndaı qalsa, óz kúshterimen joıa almaıtyndyǵyna kóz jetken jaǵdaıda ýaqyt ótkizbeı shuǵyl túrde «101» jáne «112» telefon nómirlerine qońyraý shalý qajettigin eskertedi. Sondaı-aq shomylý maýsymynda sýdaǵy qaýipsizdik sharalaryn umytpaýdy jáne órt qaýipsizdigi erejelerin qatań saqtaýdy suraıdy»,-delingen vedomstvo habarlamasynda.





Joǵary qaraı