Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda qoldan vaktsına pasportyn jasaǵan 30 fakt anyqtaldy – agenttik

2021 jyldyń 24 qyrkúıek 2021 09:56

NUR-SULTAN. QazAqparat – Qarjylyq monıtorıng agenttigi Jambyl oblysynda vaktsınatsııa pasporttaryn qoldan jasaýdyń 30 dereginiń jolyn kesti, dep habarlaıdy QazAqparat Agenttikke silteme jasap.

Qarjylyq monıtorıng agenttigi jalǵan COVID-19 qarsy vaktsınatsııa pasporttaryn jáne PTR-testileý nátıjelerin daıyndaý jáne taratý derekterin anyqtaý jáne jolyn kesý boıynsha kúsheıtilgen jumys júrgizýde.

Búgingi tańda Agenttik jalǵan vaktsınatsııa pasporttaryn berýdiń 30 dereginiń jolyn kesti.

Mundaı quqyq buzýshylyqtarǵa qarsy kúreste áleýmettik jaýapkershilikti tanytatyn jáne osyndaı derekter týraly habarlaıtyn azamattar mańyzdy ról atqarady.

Osylaısha, Agenttiktiń Jambyl oblysy boıynsha aýmaqtyq departamentine Jambyl aýdany Asa aýylynyń emhanasynda materıaldyq syıaqy úshin jalǵan vaktsınatsııa pasporttaryn zańsyz usynǵany týraly shaǵym tústi.

Tekserý barysynda departament qyzmetkerleri atalǵan emhanada COVID-19 qarsy vaktsınatsııa pasportyn naqty ekpesiz 15 myń teńgege berý deregin anyqtady.

Atalǵan derek boıynsha barlyq qatysy bar tulǵalardy anyqtaý úshin tergeý sharalary júrgizilýde.

Eger Sizge osyndaı quqyq buzýshylyqtar belgili bolǵan jaǵdaıda, Agenttiktiń + 7 7172 70-84-78 senim telefony arqyly nemese turǵylyqty jerińiz boıynsha aýmaqtyq departamentke dereý habarlaýyńyzdy suraımyz.


Joǵary qaraı