Aýa raıy
Astana 22 °S
Almaty 26 °S
valıýta baǵamy
USD 412.55
EUR 465.73
RUB 5.79
CNY 58.91

Jambylda qoǵamdyq kólik júrgizýshileri bir aptada 2 myńnan astam jol erejelerin buzǵan

2019 jyldyń 20 qazan 2019 08:56

TARAZ. QazAqparat – Jambyl oblysynda «Avtobýs» jedel aldyn alý sharasy barysynda bir aptada 4386 quqyq buzýshylyq anyqtaldy. Onyń 2171-i qoǵamdyq kólikterdiń júrgizýshileri jasaǵan jol erejelerin buzý oqıǵalary, dep habarlaıdy QazAqparat tilshisi oblystyq PD baspasóz qyzmetine silteme jasap.

Aǵymdaǵy jyldyń 10-17 qazany aralyǵynda Jambyl oblysy aýmaǵynda ІІO 419 qyzmetkeriniń qatysýymen «Avtobýs» jedel aldyn alý is-sharasy ótkizildi.

«Jyldamdyqty arttyrýǵa baılanysty QR ÁQBtK 592-baby boıynsha 385 fakt tirkelgen. Sondaı-aq, 343 júrgizýshi manevr jasaý erejelerin saqtamasa, 316 adam júrgizý kezinde telefondy paıdalanǵan jáne taǵy da basqa quqyq buzýshylyqtar anyqtaldy. Іs-shara barysynda 20 qoǵamdyq kólik aıyp turaǵyna qamaldy»,-deıdi polıtsııa departamenti bastyǵynyń birinshi orynbasary polıtsııa podpolkovnıgi Baýyrjan Ódergenov.

Aıta keteıik, «Avtobýs» jedel aldyn alý is-sharalaryn ótkizý kezinde óńirde avtobýstardyń qatysýymen jol-kólik oqıǵalary tirkelmegen.

Avtor Janǵazy Ahmetov
Basty sózder: Jambyl oblysy, QR ІІM, Kólik,
Joǵary qaraı