Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda er adam 160 keliden astam esirtkimen ustaldy

2021 jyldyń 13 qazan 2021 07:33

TARAZ. QazAqparat – Jambylda er adamnan 160 keliden astam esirtki tárkilendi, - dep habarlaıdy QazAqparat tilshisi.

Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri «Qarasora-2021» respýblıkalyq jedel aldyn alý is-sharasyn ótkizý barysynda Shý aýdanynan 100 shaqyrym jerde 27 jastaǵy jergilikti turǵyndy esirtki zattaryn daıyndaý kezinde ustady.

Sol mańdaǵy aýmaqty tekserý kezinde jas jigitten salmaǵy 60 keli 440 gramm bolatyn «kannabıs ósimdigi» esirtki zaty tabylyp, tárkilendi. Sondaı-aq jedel-izdestirý is-sharalaryn júrgizý kezinde esirtki zatyn satýshydan jalpy salmaǵy 103 keli 240 gramm «keptirilgen marıhýana» esirtki zatynyń 10 qaby tárkilendi, kúdikti bul qaptardy jaz mezgilinde eldiń soltústik aımaqtaryna jetkizý úshin daıyndap, jasyrǵan.

«Ustalǵan er adam kinásin moıyndady, Shý qalasynyń ýaqytsha ustaý ızolıatoryna qamaqqa alyndy. Qazaqstan Respýblıkasy Qylmystyq kodeksiniń 296-baby 4-bóligi (Esirtki, psıhotroptyq zattardy, sol tektesterdi ótkizý maqsatynsyz asa iri mólsherde zańsyz daıyndaý, qaıta óńdeý, satyp alý, saqtaý, tasymaldaý) boıynsha sotqa deıingi tergeý amaldary bastaldy, qylmystyń bul túrimen úsh jyldan jeti jylǵa deıingi merzimge bas bostandyǵynan aıyrý túrindegi jaza qoldanylady.

Qazirgi ýaqytta qylmystyq áreketti QR QK-niń 297-baby 3-bóligimen qaıta saralaý qarastyrylýda. Bul qylmysty jasaǵany úshin múlki tárkilenip, on jyldan on bes jylǵa deıingi merzimge bas bostandyǵynan aıyrý túrindegi jaza qarastyrylǵan»,-delingen polıtsııa departamenti baspasóz qyzmetiniń habarlamasynda.


Avtor Saıa Sembaı
Basty sózder: Jambyl oblysy, Esirtkimen kúres,
Joǵary qaraı