Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda bir kúnde 10 myńnan astam muqtaj otbasyna qurbandyq eti taratyldy

2021 jyldyń 22 shilde 2021 00:38

TARAZ. QazAqparat – Jambyl oblysynda Qurban aıttyń birinshi kúni 10243 otbasyna qurbandyq malynyń etin taratyldy, dep habarlaıdy QazAqparat tilshisi.

«Ultty uıystyrǵan ulyq mereke Qurban aıt bastalyp, ısi musylman jurtshylyqtyń qýanyshyn eseleı tústi. Búgin alǵashqy kúni shalynǵan qurbandyq etteri Jambyl oblysy boıynsha 10243 otbasyna jetkizildi»,-deıdi ortalyq «Hıbatýlla Tarazı» meshitiniń baspasóz qyzmetiniń jetekshisi Aqerke Bekqulova.

Óńirdegi kómekke muqtaj, áleýmettik jaǵdaıy tómen, kópbalaly, jalǵyzbasty, múmkindigi shekteýli januıalarǵa onlaın jáne meshit arqyly qabyldanǵan ótinishter boıynsha tabystaldy.

Tańerteń qurbandyq shalý rásiminde QMDB Jambyl oblysy boıynsha bas ımamy Beıbit Myrzageldıevtyń ózi bolyp, Quran baǵyshtap, duǵa jasaǵan.

Etti taratý úshin eriktiler toby jumyldyrylyp, arnaıy kólikpen úıdi-úıge jetkizildi. Kópshilik alǵysyn aıtyp, merekemen quttyqtaǵan.

Jalpy aıta ketý kerek, bıyl Jambyl oblysynyń bas memlekettik sanıtar dárigeri B. Shınalıevtyń 16 shilde kúni jarııalanǵan qaýlysyna sáıkes, qurbandyq shalý rásimi Qurban2021.kz arnaıy saıtyna onlaın tapsyrys berý arqyly júzege asty.

Sol sııaqty, atalǵan saıt arqyly muqtaj jandardyń tizimi jasalǵan. Áleýmettik kómek alý úshin osy saıtqa tıisti qujattardy tapsyra otyryp, tirkelý qajet.




















Joǵary qaraı