Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda bank júıesindegi qujattardyń kópshiligi orys tilinde júrgiziledi

2020 jyldyń 3 jeltoqsan 2020 00:33

TARAZ. QazAqparat – Jambylda bank júıesi men quqyq qorǵaý organdary qujattarynyń basym bóligi orys tilinde júrgiziledi, dep habarlaıdy QazAqparat tilshisi.

Bul týraly oblystyq tilderdi damytý basqarmasynyń basshysy Rahııa Turmahanbetova ÓKQ aqparat alańynda aıtty.

Spıkerdiń sózinshe, toqsan saıyn óńirdegi san salanyń til qoldanysy jiti zerdelenedi.

«Toqsan saıyn óńirdegi tildik ahýaldy zerdeleý maqsatynda oblystyq jáne jergilikti atqarýshy organdardyń kiris-shyǵys qujattaryna monıtorıng jasalýda. ІІІ toqsan qorytyndysy boıynsha memlekettik organdardaǵy qazaq tilindegi shyǵys qujattarynyń úlesi – 99,5%. Alaıda, óńirdegi bank júıesi men quqyq qorǵaý organdarynda is qujattarynyń basym bóligi orys tilinde júrgiziletini belgili boldy»,- deıdi Rahııa Turmahanbetova.

Sondaı-aq, basqarma basshysy memlekettik tildi úıretetin tegin kýrstar turaqty jumys isteıtindigin tilge tıek etti.

Onyń aıtýynsha, jyl basynan beri úsh til boıynsha barlyǵy 3 433 tyńdaýshy tegin oqý kýrsymen qamtylsa, 2 340 tyńdaýshy memlekettik tildi oqytý kýrsynan ótken.

Onyń ishinde 92,9 paıyzy - ózge ult ókilderi.

Al, óńirde memlekettik tildi meńgergen memlekettik qyzmetshilerdiń úlesi - 48 paıyz.

«Jambylda memlekettik tildi meńgergen memlekettik qyzmetshilerdiń úlesi 48 paıyzdy qurap, 28 paıyzǵa artqan»,-deıdi basqarma basshysy.

Joǵary qaraı