Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda 400-ge jýyq sheteldik jaýapqa tartyldy

2021 jyldyń 17 maýsym 2021 09:48

TARAZ. QazAqparat – Jambyl oblysynda «Mıgrant» is-sharasy barysynda 400-ge jýyq sheteldik jaýapqa tartyldy, dep habarlaıdy QazAqparat tilshisi.

Jambylda «Mıgrant» respýblıkalyq jedel-aldyn alý is-sharasy ótýde. Ol uzaq ýaqyt oblys aýmaǵynda zańsyz júrgen jáne jol júrý bıletterin satyp alýda qarjylyq qıyndyqtarǵa tap bolǵan shetel azamattaryn anyqtaý maqsatyna negizdelgen.

Reıdtik is-shara ótkizilgen jeti kún ishinde Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany úshin 384 sheteldik ákimshilik jaýapkershilikke tartyldy.

«Sonymen qatar, halyqtyń kóshi-qony salasyndaǵy zańnamasyn buzǵany úshin sheteldikterdi qabyldaǵan Qazaqstan Respýblıkasynyń 164 azamaty ákimshilik jaýapkershilikke tartyldy. Qazaqstannyń 15 azamatyna qatysty QR ÁQBtK-niń 519-babynyń talaptaryn buzyp, sondaı-aq sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartqany úshin hattamalar toltyryldy»,-delingen oblystyq polıtsııa departamenti baspasóz qyzmetiniń habarlamasynda.

Sondaı-aq, Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany úshin sot sheshimimen Qazaqstan Respýblıkasynyń aýmaǵynan 62 sheteldik azamat shyǵaryldy.


Avtor Saıa Sembaı
Basty sózder: Qoǵam, Jambyl oblysy,
Joǵary qaraı