Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynyń turǵyny geroınniń asa iri mólsherimen ustaldy

2021 jyldyń 12 qazan 2021 14:20

TARAZ. QazAqparat – Jambyldyq polıtseıler geroın satýmen aınalysqan kúdiktini ustady, dep habarlaıdy QazAqparat tilshisi.

Óńirdiń 59 jastaǵy turǵyny «Qarasora-2021» respýblıkalyq jedel aldyn alý is-sharasy men «Refleks-2021» óńirlik operatsııasy kezinde qolǵa tústi. Asa iri mólsherde «geroın» esirtki zatyn satýmen aınalysqan kúdiktini Jambyl oblysynyń Polıtsııa departamenti Esirtki qylmysyna qarsy kúres basqarmasynyń qyzmetkerleri ustady.

Esirtkini zańsyz saqtaǵany úshin buryn sotty bolǵan kúdiktiniń turǵylyqty jeri boıynsha sanktsııalanǵan tintý júrgizilgen. Onyń jatyn bólmesinen jalpy salmaǵy 234 gramm «geroın» esirtki zaty tabylyp, tárkilendi. Bul – asa iri mólsherge jatady.

«QR QK 297-babynyń 3-bóligi (Esirtkini ótkizý maqsatynda asa iri mólsherde zańsyz saqtaý) boıynsha sotqa deıingi tergeý amaldary bastaldy. Ustalǵan azamat kinásin moıyndap, ýaqytsha ustaý ızolıatoryna qamaqqa alyndy. Atalǵan qylmysty jasaǵany úshin múlki tárkilenip, 5-10 jylǵa deıingi merzimge bas bostandyǵynan aıyrý túrindegi qylmystyq jaýapkershilik qarastyrylǵan», – dep atap ótti Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy A. Jumabekov.


Joǵary qaraı