Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysyndaǵy Qarakemer aýylyna gaz keldi

2020 jyldyń 25 qarasha 2020 12:04

TARAZ. QazAqparat – Jambyl oblysy Jambyl aýdany Qarakemer aýyly turǵyndarynyń armany oryndaldy. Aýyldaǵy 300 úıge túgeldeı gaz qosyldy, dep habarlaıdy QazAqparat tilshisi.

8 jyl boıy túrli deńgeıde kóterilgen kógildir otyn máselesi osy jyly sheshimin taýyp, «Jumyspen qamtý jol kartasy» memlekettik baǵdarlamasy sheńberinde júzege asyp otyr.

Osy maqsatqa respýblıkalyq bıýdjetten qyrýar qarjy bólindi. «Gaz-Servıs» kompanııasy 182 mln 270 myń teńgege 13,1 shaqyrym jerasty qubyryn tósep, qurylys jumysyn júrgizgen. Mamyr aıynda bastalǵan jumys kúni keshe aıaqtaldy. Aýyl turǵyndary tolyǵymen gazǵa qosyldy.

Qazir «Jambyl-Jylý» kompanııasy kóshe boıynda ornalasqan úılergi jerasty qubyryna qosyp, gaz tartyp jatyr. Quny – 100 myń teńge. Seriktestik dırektory Dastan Yrysálıevtiń aıtýynsha, basqa óńirlerde bul qyzmet quny 300 myńnan kem emes eken.

Aýdan ákiminiń mindetin atqarýshy Erlan Qydyralyuly, aýdandyq máslıhat hatshysy Rústem Begalıev, oblystyq máslıhattyń depýtaty Masat Berik karakemerlikterdi quttyqtady.

Aýyl qarııasy Ahataı Balqybekov kópshilikke aq batasyn berdi. Aýdan basshylaryna, aýylǵa gaz kirýine atsalysqan, yqpal etken, qoldaý bildirgen azamattarǵa, aıanbaı eńbek etken qurylysshylarǵa aýyldastarynyń atynan alǵys aıtyp, rızashylyǵyn bildirdi.


Joǵary qaraı