Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda jyl basynan 3 tonnadan astam esirtki tárkilendi

2021 jyldyń 17 qazan 2021 23:05

TARAZ. QazAqparat – Jambyl oblysynda Polıtsııa departamentiniń 9 aıdaǵy jumys qorytyndysy shyǵarylyp, aldaǵy kezeńge negizgi mindetter aıqyndaldy, dep habarlaıdy QazAqparat tilshisi.

Keńeste Jambyl oblysy PD bastyǵynyń orynbasarlary atqarylǵan jumystar týraly esep berdi. Olar óńirdegi krımınogendik jaǵdaı týraly baıandady. Qabyldanǵan sharalar qylmystyń 6,9 paıyzǵa tómendeýine yqpal etken. Kisi óltirý, densaýlyqqa aýyr zııan keltirý, bireýdiń múlkin, malyn urlaý derekteriniń sany azaıǵan.

Qoǵamdyq oryndardaǵy jasalǵan qylmystar sany 15,7 paıyzǵa, jasóspirimder qylmysy 27,8 paıyzǵa azaıǵan. Sondaı-aq qylmystyń barlyq sanaty boıynsha isterdi ashý deńgeıi jaqsarǵan. Eseptik kezeńde 549 esirtki qylmysy anyqtaldy. 3 tonnadan astam esirtki tárkilendi. Toǵyz aıda 879 jol-kólik oqıǵasy tirkeldi.

Keńes sońynda oblystyq PD bastyǵy Janat Súleımenov quqyqtyq tártip deńgeıin odan ári arttyrý boıynsha sharalar qabyldaýdy tapsyrdy jáne birqatar naqty tapsyrmalar júktedi.


Joǵary qaraı