Aýa raıy
Astana 9 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda tyńaıtqysh óndiretin zaýyt 1200 adamdy jumyspen qamtıdy

2020 jyldyń 22 shilde 2020 14:00

MÁSKEÝ. QazAqparat - Qazaqstan men Reseı mıneraldy tyńaıtqysh shyǵarý jobasyn júzege asyrý týraly úkimetaralyq kelisimge qol qoıdy, dep habarlaıdy QazAqparat Syrtqy ister mınıstrligine silteme jasap.

Qazaqstan men Reseı Jambyl oblysynda mıneraldyq tyńaıtqysh shyǵaratyn zaýyt salý jáne ony paıdalaný boıynsha «EýroHım» mıneraldy-hımııalyq kompanııasy» jobasyn iske asyrý týraly úkimetaralyq kelisimge qol qoıdy.

Joba Qazaqstan Respýblıkasynyń ońtústigindegi Qarataý fosfor basseıniniń ken oryndaryn ıgerýdi jáne mıneraldyq tyńaıtqysh shyǵaratyn jańa zaýyt salýdy kózdeıdi. Jobanyń jalpy quny - 1,2 mıllıard AQSh dollary.

«Hımııalyq kásiporynnyń jumysy Jambyl oblysynda keminde 1200 jańa jumys ornyn ashýǵa múmkindik beredi, sonymen qatar aýyl sharýashylyǵy men qurylys salasynyń damýyna aıtarlyqtaı túrtki bolady, azyq-túlik qaýipsizdigin joǵarylatýǵa, Qazaqstan Respýblıkasynyń eksporttyq áleýetin arttyrýǵa yqpal etedi, Qazaqstan men Reseı arasyndaǵy ıntegratsııalyq bıznes-baılanysty eleýli túrde nyǵaıtady», - dep túsindirdi Ermek Kósherbaev.

Salynǵaly jatqan hımııalyq kásiporynda dástúrli fosfor óndiristeriniń negizgi kemshilikteriniń biri - fosforly gıps túrindegi qaldyqtar bolmaıdy, bul tabıǵı resýrstardy paıdalaýdyń tıimdiligin jaqsartyp, óńir ekologııasyn saqtaıdy. Budan basqa, joba onyń barlyq qatysýshylaryna uzaqmerzimdi áleýmettik-ekonomıkalyq áser ákelmek.

«Qol qoıylǵan úkimetaralyq kelisim strategııalyq ınvestıtsııalyq jobany iske asyrýda jańa kezeńdi bastaıdy – jumys istep turǵan óndiristi keńeıtip, hımııa salasyndaǵy eń úzdik qoljetimdi tehnologııalardy paıdalanýmen jylyna keminde 1 mıllıon tonna mıneraldy tyńaıtqysh pen ındýstrııalyq ónimder óndiretin jańa zaýyttyń qurylysyn bastaýǵa kóshýge múmkindik beredi. Zaýyttyń qurylysyn 2025 jylǵa qaraı aıaqtaý josparlanyp otyr», - dep atap ótti Denıs Mantýrov.

Bul joba Respýblıkalyq ındýstrııalandyrý kartasyna engizilgen jáne 2019 jylǵy sáýirde Sarysý aýdanynda zaýyttyń muqtajdyqtary úshin qýattylyǵy 110 myń sharshy m/saǵ. gaz qubyrynyń qurylysy bastalǵan. Investıtsııalyq jobany «EýroHım» mıneraldyq-hımııalyq kompanııasy» AAQ-tyń Qazaqstandaǵy enshiles kompanııasy «Eýrohım – Qarataý» JShS iske asyrady.

Búgingi kúni «EýroHım» fosforıt ken ornyn barlaý jáne ıgerý, jyl saıynǵy qýaty 640 myń tonna fosforıt unyn óndirý boıynsha taý-ken keshenin paıdalanýǵa berý jónindegi jobanyń birinshi kezeńin iske asyrýdy tabysty aıaqtady.

«Bizdiń elderimiz arasyndaǵy saýda-ekonomıkalyq qarym-qatynastar qarqyndy damýda. Qol qoıylǵan kelisim bizdiń ıntegratsııany tereńdetý boıynsha taǵy bir dáıekti qadam. Pandemııaǵa qaramastan, Qazaqstandaǵy jobamyzdyń iske asyrylýy jalǵasýda. Biz qazaqstandyq áriptesterimiz kórsetetin qoldaý men ashyqtyqty óte baǵalaımyz, sondaı-aq Reseı tarapynan bir maǵynaly qoldaý kórsetkenderi úshin alǵys bildiremiz», - dep atap ótti «EýroHım» kompanııasynyń bas dırektory Igor Nechaev.

«KAZAKH INVEST» UK» AQ mamandary atap ótkendeı, óndiriske josparlanǵan ónimdi qazaqstandyq fermerler tyńaıtqysh retinde, sondaı-aq qus jáne mal sharýashylyǵyndaǵy jem qospalarynda belsendi túrde paıdalanady.

«Joǵary sapaly mıneraldy tyńaıtqysh qazaqstandyq sharýalar arasynda úlken suranysqa ıe. Búginde qazaqstandyqtar paıdalanatyn ónim – 100% ımporttyq. Importty almastyrý fermerlerge tyńaıtqysh pen jem qospasyn qoljetimdi baǵada satyp alýǵa múmkindik beredi, bul óz kezeginde aýyl sharýashylyǵy ónimderiniń baǵasy men sapasyna oń áser etedi», - dep atap ótti «KAZAKH INVEST» UK» AQ joba jetekshisi Dılıara Tektigulova.

Investorlardyń aıtýynsha, ishki naryqtyń qajettiligin qamtamasyz etýmen qatar, Reseı Federatsııasyna, sondaı-aq Qytaıǵa, Ortalyq jáne ońtústik-shyǵys Azııa, Taıaý Shyǵys elderine qosylǵan quny joǵary ónim eksportyn uıymdastyrý josparlanýda.

Aıta keteıik, «EýroHım» - mıneraldy tyńaıtqysh óndiretin álemdik jekeshi kompanııalardyń biri. Kompanııa fermerlerdi aýyl sharýashylyǵy daqyldarynyń ónimdiligi men sapasyn arttyrý úshin qajetti jańa ınnovatsııalyq tyńaıtqyshtarmen qamtamasyz etedi jáne turaqty damý prıntsıpterin basshylyqqa alady.

Kompanııanyń óndiristik aktıvteri tórt qurlyqta ornalasqan, al satý jáne dıstrıbýtsııa jelisi búkil álem boıynsha jumys isteıdi. Qyzmetkerlerdiń sany 20 myńnan asady.


Joǵary qaraı