Aýa raıy
Astana -22 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda tórt túliktiń sany 4 mıllıonǵa jýyqtady

2020 jyldyń 30 qazan 2020 14:01

TARAZ. QazAqparat – Jambyl oblysynda mal basy 5,3 paıyzǵa ósken. Bul týraly óńirlik kommýnıkatsııalar qyzmetiniń aqparat alańynda Jambyl oblysy ákiminiń orynbasary Berik Nyǵmashev baıandady,- dep habarlaıdy QazAqparat tilshisi.

Aǵymdaǵy jyldyń qańtar-qyrkúıek aılarynda Jambyl oblysynda aýyl sharýashylyǵy ónimi 273 mlrd. teńgeni qurap, 103,4 paıyzǵaǵa ósken. Onyń ishinde egin sharýashylyǵy ónimi 164,9 mlrd. teńgege óndirilip, 104,7 paıyzǵa artty. Al, mal sharýashylyǵynda 106,8 mlrd. teńgeniń ónimi óndirip, 101,6 paıyzǵa artyp otyr.

«Aımaqtaǵy tórt-túliktiń sany 3,9 mln. basqa jetip, 5,3 paıyzǵa artqan.
Jyl basynan beri aýyl sharýashylyǵyna 22,5 mlrd. teńge ınvestıtsııa salynyp, ósim 103,9 paıyzǵa deıin jetip otyr. Búgingi kúnge josparlanǵan 359,3 myń gektar dándi masaqty daqyldary orylyp, barlyǵy 817 myń tonna dán bastyryldy. Ortasha ónimdiligi ár gektardan 22,7 tsentnerdi quraǵan»,-deıdi Berik Nyǵmashev.
Aıta ketý kerek, aǵymdaǵy jyly sý únemdeý tehnologııasy 30 myń gektarǵa endirilip, 2019 jylmen salystyrǵanda 10 myń gektarǵa artqan.


Joǵary qaraı