Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambyl oblysynda terrorıstik qaýiptiliktiń «qyzylǵylt sary» deńgeıi belgilendi

2022 jyldyń 27 qańtar 2022 07:23

TARAZ. QazAqparat – Jambyl oblysynda terrorıstik qaýiptiliktiń «qyzyl» deńgeıi alynyp, «qyzǵylt sary» deńgeı belgilendi, dep habarlaıdy QazAqparat tilshisi.

Jambyl oblystyq terrorızmge qarsy kúres jónindegi jedel shtaby oblystaǵy jaǵdaıdyń turaqtalǵanyn málim etti.

«2022 jyldyń 26 qańtar saǵat 00.00-den bastap oblystyń barlyq aýmaǵynda terrorızmge qarsy operatsııalar rejımi toqtatylady jáne terrorıstik qaýiptiliktiń shekti («qyzyl») deńgeıi alynady, osyǵan baılanysty barlyq blok-beketter óz jumysyn aıaqtaıdy.

Dál osy ýaqyttan bastap oblystyń barlyq aýmaǵynda terrorıstik qaýiptiliktiń joǵary («qyzǵylt sary») deńgeıi belgilenedi.

Quqyq qorǵaý jáne arnaıy organdar jappaı tártipsizdikterdiń uıymdastyrýshylary men qatysýshylaryn, memlekettik mekemelerge shabýyl jasaýǵa jáne qarý-jaraqtardy tonaýǵa qatysy bar adamdardy anyqtaý boıynsha jedel-izdestirý sharalaryn jalǵastyrýda», - delingen shtabtyń habarlamasynda.

Aıta keteıik, terrorıstik qaýiptiliktiń «qyzǵylt sary» deńgeıinde quqyq qorǵaý organdaryna qarý-jaraq pen jarylǵysh zattardy anyqtaý maqsatynda kólik quraldaryn tekserip, qaraýǵa ruqsat etiledi.

Shedel shtab turǵyndardan zańdylyqty saqtaýdy, arnaıy jáne quqyq qorǵaý organdarynyń jumysyna túsinistikpen qaraýdy surady.


Joǵary qaraı