Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda prıton uıymdastyrǵan er adam ustaldy

2021 jyldyń 22 qyrkúıek 2021 13:59

TARAZ. QazAqparat – Jambyl oblysynda «Stop,trafık!» jedel-aldyn alý is-sharasy bastaldy, dep habarlaıdy QazAqparat tilshisi.

Reıdtiń birinshi kúni Jambyl oblysynyń polıtsııa qyzmetkerleri qyzdardy jezókshelikpen aınalysýǵa tartqan, prıton uıymdastyrǵan 40 jastaǵy jergilikti turǵyndy ustady.

Atalǵan derekke qatysty Qazaqstan Respýblıkasy Qylmystyq kodeksiniń 309-baby 1-bóligi (Jezókshelikpen aınalysýǵa arnalǵan prıtondy uıymdastyrý nemese ustaý jáne jeńgetaılyq) boıynsha sotqa deıingi tergeý amaldary bastaldy. Ustalǵan azamat kinásin tolyq moıyndady.

Sondaı-aq, 11 adam Qazaqstan Respýblıkasy Ákimshilik quqyq buzýshylyq týraly kodeksiniń 449-baby 1-bóligi (Qoǵamdyq oryndarda tıisý) boıynsha ákimshilik jaýapkershilikke tartyldy.

«QR ÁQBtK-niń 450-baby 1-bóligi (kórineý jezókshelikpen aınalysý nemese jeńgetaılyq úshin úı-jaılar berý) boıynsha ákimshilik quqyq buzýshylyq deregi anyqtaldy. «Jeńgetaı» sanaty boıynsha 1 adam jáne jezókshelikpen aınalysqany úshin 3 áıel profılaktıkalyq esepke alyndy. Profılaktıkalyq is-sharalar jalǵasýda»,- dep málim etti Jambyl oblysynyń Polıtsııa departamenti baspasóz hatshysynyń mindetin atqarýshy Begman Qutmyrzaev.


Joǵary qaraı