Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda oqýshy bala ózge qalaǵa anasyn izdep barǵan

2020 jyldyń 30 qarasha 2020 15:05

TARAZ. QazAqparat – Jambyl oblysynda joǵalǵan 13 jastaǵy jasóspirim tabyldy. Ol Shymkent qalasyndaǵy anasyna ketip qalǵan. QazAqparat bul týraly oblystyq Polıtsııa departamentiniń baspasóz qyzmetine silteme jasap habarlaıdy.

Bıylǵy 27 qarashada saǵat 03:10-da Jambyl oblysynyń Jambyl aýdanynda 13 jastaǵy jasóspirim úıinen shyǵyp ketip, qaıtyp oralmaǵanyn buǵan deıin jazǵan bolatynbyz.

Shuǵyl túrde jedel-izdestirý is-sharalaryn qabyldaǵan polıtsııa qyzmetkerlerine eriktiler de atsalysqan.

Joǵalǵan balanyń 16 jastaǵy týǵan aǵasy inisiniń Shymkent qalasynda kútýshi bolyp jumys isteıtin anasyn saǵynyp, jıi qońyraý shalyp júrgenin aıtqan.

«Balanyń iz-túzsiz joǵalý deregi boıynsha sotqa deıingi tergeý bastaldy. Qabyldanǵan sharalardyń nátıjesinde jasóspirimniń turǵan jeri anyqtaldy. Bala Shymkent qalasyna jol boıynan ustaǵan kólikpen jetken. Júrgizýshiden anasynyń úıine aparyp tastaýdy ótingen. Balanyń aıtýynsha, engizilgen karantınge baılanysty ol qashyqtan oqytýǵa kóshken. Osyǵan oraı, onyń anasy karantın kezeńinde balalardy burynǵy kúıeýiniń anasyna ýaqytsha turýǵa jiberýge sheshim qabyldaǵan. Anasyn qatty saǵynǵan jasóspirim Shymkent qalasyna barýǵa bel baılaǵan»,-delingen habarlamada.

Balanyń Shymkentke kelgenin polıtsııa qyzmetkerlerine jasóspirimniń 39 jastaǵy anasy habarlaǵan. Bolǵan jaǵdaıdan onyń ómiri men densaýlyǵyna eshqandaı qaýip tónbegeni atap ótilýde.


Avtor Saıa Sembaı
Basty sózder: Aımaq, Jambyl oblysy, Oqıǵa,
Joǵary qaraı