Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda muz astyna túsip ketken eki bala mert boldy

2020 jyldyń 29 qarasha 2020 14:50

TARAZ. QazAqparat - 28 qarashada Jambyl oblysy Baızaq aýdany Úlgili aýylynyń mańynda toǵyz jáne alty jasar eki bala oınap júrip, sýarý kanalynda muzdyń astyna qulap kóz jumdy, dep habarlaıdy QazAqparat.

Olardyń denesin Jambyl oblysy tótenshe jaǵdaılar departamentine qarasty jedel-qutqarý jasaǵynyń úsh súńgýiri tereńdigi 3 metr sýdan shyǵardy. Bul týraly TJM resmı ókili Talǵat Ýálı habarlady.

Aıaz bastalysymen sý birtindep muzǵa aınala bastaıdy. Alaıda alǵash qata bastaǵan muzǵa balalar men jasóspirimder baryp, jıi oınaıtyny jasyryn emes. Al juqa muz óte qaýipti.

«Qurmetti eresekter qaýymy! Balalaryńyzǵa abaı bolyńyzdar! Muz qatqan sýdyń qaýpi týraly balalaryńyzǵa eskertýdi umytpańyzdar. Balalardyń baqylaýsyz qalýyna jol bermeńizder. Sý qoımasynda oınaýyna jol bermeńizder. Olardy qaraýsyz qaldyrý orny tolmas ókinishke alyp kelýi yqtımal» dep eskertedi mınıstrlikten.

Muzda qaıǵyly jaǵdaılar qaıtalanbas úshin sý aıdyndarynda júris-turys erejelerin saqtaý qajet.

Muz jańa qata bastaǵan kezde muz ústinde oınaýǵa, konkı tebýge tyıym salynady. Juqa muz osal bolady. Adamnyń salmaǵyn kótere almaıdy.

Muzda júrý kezinde abaı bolyńyz, muz betinde muqııat bolyńyz, qaýipti jáne kúdikti jerlerde júrmeńiz. Qardyń qalyń qabatymen jabylǵan jerlerden saq bolýyńyz. Qar astynda muz árqashan ashyq jerlerge qaraǵanda, juqa bolady.

Eger siz sý aıdynynda qaıǵyly jaǵdaıǵa kýá bolsańyz nemese ózińiz osyndaı jaǵdaıǵa tap bolsańyz, shuǵyl kómekke júginińiz.

Tótenshe jaǵdaılar mınıstrligi balalardy qaraýsyz qaldyrmaýǵa keńes beredi jáne muzda oınaýdyń qaýipti ekendigin eskertedi.


Joǵary qaraı