Jambyl oblysynda KSRO qujatymen júrgen 33 adam anyqtaldy

TARAZ. QazAqparat – Jambyl polıtseıleri Qazaqstan Respýblıkasynyń aýmaǵynda quqyqtyq mártebesi joq 172 adamdy anyqtady,- dep habarlaıdy QazAqparat tilshisi.

«Ýchastok» jedel-aldyn alý is-sharasy jáne QR ІІM nusqaýlaryn oryndaý aıasynda jergilikti polıtsııa qyzmetiniń jáne kóshi-qon basqarmasynyń qyzmetkerleri birqatar jumys júrgizdi. Qazaqstan Respýblıkasynyń aýmaǵynda turatyn jeke basyn kýálandyratyn qujattarynsyz nemese 1974 jylǵy úlgidegi KSRO pasportyn ýaqtyly aýystyrmaǵan adamdardy anyqtaýǵa baǵyttalǵan-dy. Bul týraly oblystyq Polıtsııa departamentiniń baspasóz qyzmeti habarlady.

Máselen, aýlalardy aralaý jáne el aýmaǵyndaǵy Qazaqstan Respýblıkasynyń azamattary bolyp tabylmaıtyn jáne óziniń ózge memlekettiń azamattyǵyna qatystylyǵynyń dáleli joq adamdardyń quqyqtyq mártebesin aıqyndaýǵa baǵyttalǵan ózge de sharalar barysynda 172 adam anyqtaldy. Onyń ishinde 33 tulǵa KSRO pasporty boıynsha, 68-i basqa qujattar boıynsha, 22-si qujattary joq, 30-y shet memlekettiń azamattyǵynan shyǵýyna baılanysty azamattyǵy joq dep tanylǵan tulǵa retinde anyqtalǵan»,-delingen vedomstvo habarlamasynda.

Bul jumystardyń barysy Jambyl oblysy PD basshylyǵynyń turaqty baqylaýynda.