Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda kópirden sekirmek bolǵan er adam qutqaryldy

2021 jyldyń 4 jeltoqsan 2021 18:16

NUR-SULTAN. QazAqparat – Jambyl oblysynda kópirden sekirmek bolǵan er adamdy kóliktegi polıtsııa qyzmetkerleri qutqaryp qaldy, dep habarlaıdy QazAqparat tilshisi.

«3 jeltoqsanda kúndiz Shý qalasynyń 39 jastaǵy turǵyny jemir jol vokzalynyń jaıaý júrginshilerine arnalǵan kópirinen sekirip ketpek boldy. Ony ótip bara jatqan adamdar baıqap, jelilik polıtsııa bólimine habarlady. Oqıǵa ornyna kezekshi jedel tergeý toby jiberildi. Polıtsııa kapıtany Ázilhan Іlııasov er adammen sóılesip, ony qaýipsiz jerge túsýge kóndirdi», - dep atap ótedi Kóliktegi polıtsııa departamentiniń baspasóz qyzmetinen.

Vedomstvo málimetinshe, er adam anasymen jáne kámeletke tolmaǵan qyzymen turady. Jubaıymen 7 jyl buryn ajyrasqan.

«Ol óz ózine qol jumsaýǵa ne ıtermelegendigin aıtýdan bas tartty. Oqıǵa kezinde ishimdik ishpegen. Qazirgi ýaqytta QR Qylmystyq kodeksiniń 188-babymen (urlyq) shartty túrde jazasyn óteýde. Atalǵan fakti Shý stansasynyń jelilik polıtsııa bóliminde tirkelgen. Tekserý júrgizilip jatyr. Er adam otbasymen birge», - dep atap ótedi departamentten.


Joǵary qaraı