Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda qansha shaqyrym jol jóneldi

2021 jyldyń 21 qyrkúıek 2021 15:13

NUR-SULTAN. QazAqparat - Bıyl Jambyl oblysynda jergilikti jeli joldaryn ortasha jóndeý boıynsha 28 joba iske asyrylýda. Jol jumystarymen oblystyq jáne aýdandyq mańyzy bar joldardyń 214 shaqyrymy qamtyldy. Búginge deıin sonyń 120 shaqyrymy jóndeldi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Jol salasynyń mamandary «Qyrǵyzstan shekarasyna Taraz qalasynyń «Ońtústik aınalma» avtomobıl jolyn salý» jobasyn aıaqtady, «Ernazar-Qoıgeldi» aýdandyq mańyzy bar avtojol ýchaskesinde kópir salý jumystary júrgizilýde. Nysan aǵymdaǵy jyly paıdalanýǵa beriledi.

Sondaı-aq, óńirde oblystyq mańyzy bar jol ýchaskelerine ortasha jóndeý júrgizilýde: «Berlik-Moıynqum-Ulankól», «Kúıik-Qarabastaý-Qarataý-Jańatas-Saýdakent», «Aqkól-Qoıgeldi», «Taraz-Asa-Aqkól-Saýdakent», «B.Momyshuly-Kóltoǵan-Qoshqarata-Qyztoǵan», «Lýgovoı beketi-Qoraǵaty-Tátti», «Taraz-Jetibaı-Tegistik-Oıyq», «Aqkól-Oıyq-Ulanbel», «Qumaryq-Qyzyltý-Aqyrtóbe», «Qumaryq-ıÝbıleınoe», «Taraz-Sarykemer-Túımekent-Aqsholaq».




Budan bólek, jóndeý jumystary aýdandyq mańyzy bar joldarda da júrgizilip jatyr. Atap aıtsaq, «Besaǵash-ıÝbıleınyı», «Qarakemer - Qarasaı batyr - Eńbekshi», «Sortóbe-Aýqatty-Qyzylsaı», «Aqtoǵan-Qazaqdıhan», «Merki-Taldybulaq», «Qyzyl qystaq-Aral Qystaq», «Qostóbe-Býryl» jáne «Taraz-Talas beketi» ýchaskeleri qamtyldy. Sondaı-aq, Qordaı, Qojaǵappar, Shynbulaq jáne Jaılaýkól aýyldarynyń kireberis joldary jóndeldi.

Sonymen qatar, oblysta eldimekenderdiń 136 kóshesine ortasha jóndeý jumystary júrgizilýde, onyń barysynda ortasha jóndeýmen 230 shaqyrymnan astam kóshe qamtyldy.

«Osylaısha, jyl qorytyndysy boıynsha jergilikti jeli joldarynyń 95%-yn normatıvtik jaǵdaıǵa keltirý kózdelgen»,-delingen habarlamada.








Basty sózder: Qurylys, Jol, Jambyl oblysy,
Joǵary qaraı