Aýa raıy
Astana 26 °S
Almaty 30 °S
valıýta baǵamy
USD 409.19
EUR 461.24
RUB 5.67
CNY 58.26

Jambyl oblysynda eki jylda 95 medıtsınalyq nysan salyndy

2019 jyldyń 14 qarasha 2019 13:23

TARAZ. QazAqparat – Jambyl oblysynda medıtsınalyq nysandar tapshylyǵy bar-joǵy eki jylda sheshimin tapty. Bul týraly oblysqa jumys saparymen kelgen QR Úkimet basshynyń orynbasary Berdibek Saparbaevqa baıandaldy, dep habarlaıdy QazAqparat.

QR Premer-Mınıstriniń orynbasary Berdibek Saparbaev Baızaq aýdany Qostóbe aýyldyq okrýgindegi jańadan paıdalanýǵa berilgen alǵashqy medıtsına-sanıtarlyq kómek kórsetý nysanyna at basyn burdy. Onda osy baǵytta atqarylyp jatqan jatqan jumystar týraly oblystyq densaýlyq saqtaý basqarmasynyń basshysy Marat Jumanqulov baıandady. Ol byltyr júrgizilgen zerdeleý sharalarynyń nátıjesinde óńirde osyndaı 95 nysannyń qajet ekeni anyqtalǵanyn jetkizdi.

Bul másele oblys ákiminiń tapsyrmasyna oraı memlekettik-jekemenshik áriptestik aıasynda bıyl tolyǵymen sheshimin tappaq eken.




«Ótken jyly 30 alǵashqy medıtsına-sanıtarlyq kómek kórsetý nysany salynsa, bıyl 65 nysannyń qurylysy júrip jatyr. Olar jyl sońyna deıin paıdalanýǵa beriledi. Aıta keteıik, 95 nysannyń alǵashqy quny ońtaılandyrý arqyly 2-3 ese arzandatyldy. Buryndary ár jyl saıyn osyndaı 10 nysan ǵana salynyp kelse, ońtaılandyrý nátıjesinde bul másele nebári 2 jylda sheshilgeli otyr»,-dedi basqarma basshysy.

Sonymen qatar, vıtse-premerge bul baǵytta merdigerler jaýakershiligi kúsheıtilip, kepildik merzimi 3 jyldan 5 jylǵa deıin ulǵaıǵany, aıyppul mólsheri 4 ese kóbeıgeni aıtyldy.

Joǵary qaraı