Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda dúkenge zańsyz oıyn apparatyn ornatqan aýyl turǵyny sottaldy

2021 jyldyń 2 jeltoqsan 2021 16:04

TARAZ. QazAqparat – Jambyl oblysynda oıyn apparattaryn zańsyz ornatqany úshin aýyl turǵyny sottaldy, dep habarlaıdy QazAqparat Qarjylyq monıtorıng agenttigine silteme jasap.

Agenttiktiń Jambyl oblysy boıynsha aýmaqtyq departamentiniń qyzmetkerleri 37 jastaǵy Lýgovoe aýylynyń turǵyny D. Kemelbekovtiń zańsyz oıyn bıznesin uıymdastyrǵanyn anyqtady.

«Tergeý barysynda D.Kemelbekovtiń azyq-túlik dúkeninen oryn jaldap, sertıfıkattalǵan «Lotomatic» termınaldary túrinde 3 oıyn apparatyn zańsyz ornatqany anyqtaldy. D.Kemelbekov sottaldy, apparattardy joıý úshin memleket kirisine alyndy», delingen habarlamada.

Vedomstvonyń málimetinshe, 2021 jyldyń basynan beri Jambyl oblysynda zańsyz oıyn bıznesin uıymdastyrýdyń 8 dereginiń joly kesilgen.

Aıta keterligi, jalǵan termınaldy shynaıydan ajyratý úshin telefon bolsa jetkilikti. Birinshiden, Lotomatic.kz saıtynda Lotomatic resmı lotereıa termınaldarynyń tizimin ashyńyz. Tizimdegi termınaldardyń kartadaǵy mekenjaıy kórsetilgen.

Ekinshiden, apparattaǵy QR kodty skanerlese, tekserý nátıjesinde «Termınal sertıfıkattalǵan» degen jazý shyǵýy tıis.

«Eger Siz zańsyz oıyn apparattaryn úıińizdiń ne barǵan jerińizden tapsańyz, agenttiktiń +7 (7172) 70-84-78 senim telefonyna nemese áleýmettik jelilerdegi akkaýnttary arqyly habarlasýyńyzdy suraımyz», delingen habarlamada.

Qazaqstanda zańdy bıznes retinde jasyryn elektrondy kazıno jáne oıyn avtomattary jumys isteıdi, alaıda olardyń qyzmetine «Oıyn bıznesi týraly» zańmen tyıym salynǵan.


Joǵary qaraı