Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda balasyn satqan 22 jastaǵy kelinshek ustaldy

2021 jyldyń 26 qarasha 2021 01:30

TARAZ. QazAqparat – Jambyl oblysynda «Toqta, trafık!» is-sharasy barysynda balasyn satqan 22 jastaǵy kelinshek ustaldy, dep habarlaıdy QazAqparat.

Jambyl oblysynyń polıtsııa qyzmetkerleri reıd barysynda 22 jastaǵy jergilikti turǵyndy ustady, ol 2018 jyly bala týyp, ony basqa otbasyǵa tárbıeleýge zańsyz bergen. Bul týraly oblystyń polıtsııa departamentiniń baspasóz qyzmeti habarlady.

«Atalǵan derekke qatysty QR Qylmystyq kodeksiniń 135-baby 1-bóligi (kámeletke tolmaǵandardy satý) boıynsha sotqa deıingi tergeý amaldary bastaldy. Ustalǵan azamatsha kinásin tolyq moıyndady», - delingen vedomstvo habarlamasynda.

Sondaı-aq, Ákimshilik quqyq buzýshylyq týraly kodeksiniń 449-baby 1-bóligi (qoǵamdyq oryndarda tıisý) boıynsha 36 adam ákimshilik jaýapkershilikke tartyldy.

Shara barysynda profılaktıkalyq esepke «jeńgetaılyqpen» aınalysqan bir adam jáne jezókshelikpen aınalysqan alty áıel qoıyldy. Olardyń biri Almaty qalasynda izdeýde bolǵan, osyǵan baılanysty Almaty qalasyna jiberý úshin tergeý ızolıatoryna qamaldy.



Joǵary qaraı