Jambyl oblysynda anasyna renjigen jasóspirim úıinen ketip qalǵan

TARAZ. QazAqparat – Jambyl oblysynda anasyna renjip, úıinen ketip qalǵan bala tabyldy,- dep habarlaıdy QazAqparat tilshisi.

Jambyl oblysynda Jambyl aýdandyq polıtsııa basqarmasyna Jalpaqtóbe aýylynyń 33 jastaǵy turǵyny 14 jastaǵy ulynyń úıinen belgisiz baǵytta shyǵyp, qaıtyp kelmegeni týraly júgingen. Polıtsııa qyzmetkerleri dereý balany izdestirý boıynsha sharalar qabyldap, izdeý jumystaryna eriktiler men aýyl turǵyndary jumyldyrylǵan. Qarly boran men qalyń qardyń jaýǵanyna qaramastan, balanyń ómiri men densaýlyǵyna alańdaǵan adamdar túni boıy izdeý jumystaryn jalǵastyrǵan.

«Birneshe saǵat ishinde aýyl turǵyndary men irgeles aýdandardyń turǵyndarymen, jasóspirimniń synyptastarymen áńgimelesý júrgizildi. Qabyldanǵan sharalardyń nátıjesinde jasóspirimniń júrgen jeri anyqtaldy. Alaıda bala ata-anasynyń polıtsııaǵa júgingenin bilip, ózi úıine oraldy. Balanyń aıtýynsha, ol otbasylyq janjaldyń saldarynan anasyna renjip, óziniń mańyzdylyǵyn sezingisi kelip, úıinen ketip qalǵan»,-delingen oblystyq polıtsııa departamentiniń baspasóz qyzmetiniń habarlamasynda.

Qazirgi tańda bolǵan oqıǵalar jasósipirimni ómiri men densaýlyǵyna eshqandaı qaýip tóndirmeıdi.