Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda altyn óndiretin zaýyt salynady

2020 jyldyń 22 qazan 2020 08:06

TARAZ. QazAqparat – Jambyl oblysynda 2021 jyly taý-ken metallýrgııa kombınatynyń qurylysy bastalady, dep habarlaıdy QazAqparat tilshisi.

Berdibek Saparbaev «Monterra Qasaqstan» JShS basshylarymen kezdesip, taý-ken metallýrgııa kombınatyn salý jáne altyn ken oryndaryn ıgerý jónindegi jobanyń iske asyrylý barysyn saralady.

«2015 jyly qurylǵan Monterra Qasaqstan» JShS Monterra Group AG nemis ınvestıtsııalyq kompanııasynyń enshiles mekemesi bolyp tabylady.

Kompanııa men Jambyl oblysy ákimdigi arasynda 2016 jyly taý-ken metallýrgııa kombınatyn salý týraly memorandýmǵa qol qoıylǵan balatyn. Sol jyly Qaratas-Maıbulaq alańynda altyn men ilespe komponentterdi barlaýǵa kelisimshart jasalynǵan. Búgingi tańda Qordaı aýdanynda kombınat qurylysyna arnaıy jer telimi bólindi. Joba Jambyl oblysynyń Indýstrııalandyrý kartasyna engizilgen.

Investıtsııanyń jalpy kólemi 600 mıllıon eýrony quraıdy.

Kezdesý barysynda «Monterra Qasaqstan» JShS baqylaý keńesiniń tóraǵasy Iogann Shtol altyn óndirýdiń biregeı tehnologııasy qoldanylatynyn atap ótti. Ózi Qordaı aýdanynyń týmasy. Jerlesteri úshin turaqty jáne jalaqysy jaqsy jumys usynyp, damyǵan óndiristi jolǵa qoıǵysy keledi.





Qazirgi ýaqytta kompanııa geologııalyq barlaý jumystaryn júrgizýde, obektilerdi ónerkásiptik ıgerýge daıyndaýda. «Monterra Qasaqstan&quot» JShS Bas dırektory Merýert Danbaevanyń aıtýynsha, taý-ken metallýrgııa kombınatynyń qurylysy

2021 jyly bastalady. Al, nysandy 2023 jyly paıdalanýǵa berý josparlanýda. Sodan keıin altyn óndirý jumystary júzege asatyn bolady. Kompanııa 1900 adamdy turaqty jumyspen qamtamasyz etýge nıetti.

Jańa kombınatta Dore qorytpasy (altyn-kúmis qorytpa) óndiriledi. Óndiris

bastalǵannan keıin «Monterra Qasaqstan&quot» JShS bes tonnaǵa deıin altyn óndirýdi, sodan keıin birtindep qýattylyqty arttyrýdy josparlap otyr.

«Taý - ken metallýrgııa kombınatynda óndiristiń ekologııalyq qaýipsizdigin qamtamasyz etýge múmkindik beretin ozyq tehnologııalar qoldanylatyn bolady» - dep sendirdi M.Danbaeva.





Kompanııa aýdannyń ınfraqurylymyn damytýǵa da ınvestıtsııa salady.

«2019 jyly «Monterra Qasaqstan» JShS ardagerlerge, turmysy tómen otbasylarǵa kómek kórsetti. Sonymen qatar, kóp balaly otbasylar úshin turǵyn úı satyp aldy jáne eldi mekenderdi abattandyrý boıynsha jumystar júrgizdi.

Qordaı aýdanynda qıraǵan nysandardy qalpyna keltirý úshin bıýdjetten qarajat

bólindi. Aýdandyq aýrýhana úshin ÓJJ apparaty satyp alyndy. Aldaǵy ýaqytta Kenen Ázirbaev atyndaǵy murajaıdy kúrdeli jóndeýden ótkizip, stýdentterdi oqytý josparlanýda», - dedi M.Danbaeva.

Berdibek Saparbaev bul baǵytta odan ári jumys isteýdi, Qordaı aýdany aýyldarynyń áleýmettik máselelerin sheshýge járdemdesý qajettigin atap ótti.

«Memleket ınvestorlardy qoldaýǵa árdaıym daıyn, biraq naqty nátıjeler qajet. Kompanııa óziniń kelisimsharttyq mindettemelerin saqtaýy tıis», - dedi oblys ákimi.





Ol ekologııa, kadrlardy daıarlaý máselelerine erekshe nazar aýdardy.

«Biz ınvestorlardan jergilikti turǵyndardy jumysqa alýdy suraımyz. Aýyl turǵyndary qazirdiń ózinde arnaıy oqýdan ótip, qurylys aıaqtalǵannan keıin birden jumysqa kirisýi tıis», - dep tolyqtyrdy óńir basshysy.

Oblys ákimi óziniń orynbasary Almas Mádıevke ınvestıtsııalyq jobany iske asyrý boıynsha Jol kartasyn ázirleýdi tapsyrdy.


Avtor Saıa Sembaı
Basty sózder: Qurylys, Jambyl oblysy,
Joǵary qaraı