Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda alǵash ret sút bezi qaterli isigine biregeı ota jasaldy

2020 jyldyń 22 qyrkúıek 2020 01:45

TARAZ. QazAqparat – Jambyl oblystyq kópbeıindi aýrýhanasynyń hırýrgtary alǵash ret qoltyqasty lımfa túıinderi arqyly oń jaq keýdege keńeıtilgen sektorlyq rezektsııa jasaıtyn biryńǵaı ota jasady, dep habarlaıdy QazAqparat tilshisi.

Buǵan deıin mundaı operatsııalar tek Almatydaǵy Qazaq onkologııa jáne radıologııa ǵylymı-zertteý ınstıtýtynda jáne Nur-Sultandaǵy Ulttyq ǵylymı onkologııalyq ortalyǵynda jasalatyn. Bul týraly oblys ákimdigi densaýlyq saqtaý basqarmasynyń baspasóz qyzmeti habarlady.

Talas aýdany Qarataý qalasynyń 46-jastaǵy turǵyny dıspanserlik esepte «Oń jaq sút beziniń kartsınomasy, 2-saty» klınıkalyq dıagnozymen tirkelgen. Naýqas adıývantty emes hımııalyq terapııanyń tórt kýrsynan ótip, isikteriniń regressııasy 50%-deıin jetipti. Jedel túrde ota jasaý týraly sheshim qabyldanǵannan soń, bilikti de tájirıbeli dárigerler Qaırat Tóleshev pen Jandos Seıdahmetov ıntraoperatsııalyq ekspress-tsıtologııalyq zertteýdi qoldana otyryp, derttiń oshaǵyn alyp tastady»,- dedi basqarmanyń baspasóz qyzmetiniń jetekshisi Tolqyn Ómirbaeva.

Mamandardyń aıtýynsha, mundaı otanyń basty ereksheligi – sút bezin saqtaýǵa jáne qaterli isiktiń qaıtalanýyn boldyrmaýǵa baǵyttalǵan. Buryn onkologııalyq aýrýlarǵa hırýrgııalyq aralasýdyń basqa tásili qoldanylatyn. Bul ádistiń tıimdiligi – qosymsha aýrýdyń aldyn-alýǵa da septigin tıgizetindiginde bolyp otyr.

Oblystyq kóp beıindi aýrýhana dárigerleriniń izdenisi men úılesimdi, ári tabysty jumysynda tsıtologııalyq zerthana qyzmetkerleri Tatıana Sım men radıologııa bóliminiń meńgerýshisi Roza Begımbaevanyń zertteýleri mańyzdy ról atqarǵanyn atap ótken jón.




Avtor Saıa Sembaı
Basty sózder: Jambyl oblysy,
Joǵary qaraı