Aýa raıy
Astana 18 °S
Almaty 19 °S
valıýta baǵamy
USD 411.66
EUR 465.92
RUB 5.81
CNY 58.79

Jambyl oblysynda 30 myńnan astam adam «Eńbek» memlekettik baǵdarlamasyna qatysty

2019 jyldyń 14 qarasha 2019 10:25

NUR-SULTAN. QazAqparat - 2019 jylǵy 10 aıdyń qorytyndysy boıynsha Jambyl oblysynda 30 304 adam 2017-2021 jyldarǵa arnalǵan «Eńbek» memlekettik baǵdarlamasyna qatysty, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

23 793 adam jumysqa ornalastyrylsa, onyń 17 842-si nemese 75% turaqty jumys ornymen qamtyldy.

Jambyl oblysynda 3 322 adam eńbek naryǵynda suranysqa ıe kásipter boıynsha kásibı daǵdylardy qalyptastyrý maqsatynda azamattardyń jekelegen sanattary úshin qysqa merzimdi kýrstar ótkizýdi kózdeıtin «Eńbek» memlekettik baǵdarlamasynyń birinshi baǵyty aıasynda qamtylǵan. Qysqa merzimdi kásiptik oqýdy aıaqtaǵannan keıin jumyspen qamtý ortalyqtary memlekettik baǵdarlamaǵa qatysýshylarǵa jumysqa ornalasýda kómek kórsetedi.

Memlekettik baǵdarlamanyń ekinshi baǵytynyń negizgi mindeti azamattardyń kásipkerlik bastamalaryn damytý bolyp tabylady. Onyń sheńberinde bastapqy bıznesti iske asyratyn jáne iske asyrýdy josparlaıtyn, sondaı-aq buryn basqa memlekettik baǵdarlamalar sheńberinde qarjylaı qoldaý almaǵan úmitkerlerge óteýsiz jáne qaıtarymsyz negizde 100 jáne 200 AEK mólsherinde memlekettik granttar beriledi. Budan basqa, aýylda jáne qalalarda kásipkerlik áleýeti bar, isin jańadan bastaǵan kásipkerlerge, aýyl sharýashylyǵy kooperatıvterine jáne zeınetkerlik jasyna jetpegen olardyń múshelerine, sharýa jáne fermer qojalyqtaryna mıkrokredıtter beriledi.

Jambyl oblysynda mıkrokredıtpen 1 561 adam qamtyldy. 100 AEK-ke deıingi memlekettik granttardy memlekettik baǵdarlamanyń 43 qatysýshysy, 200 AEK-ke deıin – 1 271 adam aldy (jastar, az qamtylǵan jáne kópbalaly otbasylardyń músheleri, múgedektigi bar adamdar).

Memlekettik baǵdarlamanyń úshinshi baǵyty azamattardyń jekelegen sanattaryn jumyspen qamtý úshin memleket sýbsıdııalaıtyn jumys oryndaryn qurýdy qarastyrady. Ony júzege asyrý aıasynda Jambyl oblysynda 8 967 adam jumysqa ornalastyryldy, onyń ishinde 1 523-i áleýmettik jumys oryndaryna, 2 409-y jastar praktıkasyna jáne 5 035 adam qoǵamdyq jumystarǵa jiberildi.

Joǵary qaraı