Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambyl oblysy Merki aýdanyna jańa ákim taǵaıyndaldy

2022 jyldyń 16 mamyr 2022 11:46

TARAZ. QazAqparat – Qazaqstan Respýblıkasy Prezıdenti Ákimshiliginiń jáne aýdandyq máslıxatynyń kelisimimen, Jambyl oblysy ákiminiń ókimimen Merki aýdanynyń ákimi bolyp Jorabek Baýbekov taǵaıyndaldy,- dep habarlaıdy QazAqparat tilshisi.

Oblys ákimi Nurjan Nurjigitov aýdan aktıvine jańa ákimdi tanystyryp, jumysyna sáttilik tiledi.

Aımaq basshysy Merki aýdanynyń joǵary áleýetin tımdi paıdalanyp, óńirdiń ekonomıkasyn kóterýge, kásipkerlik, aýyl sharýashylyǵy salasyn damytýǵa barynsha den qoıý kerektigin atap ótti.




Sondaı-aq, aýdannyń jańa basshysyna halyqtyń turmysyn jaqsartý, áleýmettik máselelerdi sheshý, qoǵamdyq turaqtylyqty qamtamasyz etý jolynda júıeli jumystar júrgizýdi tapsyryp, naqty mindetter júktedi.

Jorabek Nurmergenuly 1971 jyly Jambyl oblysy Merki aýdanynda týǵan.

1989 jyly Semeı qarjy-ekonomıkalyq tehnıkýmyn «memlekettik bıýdjet», Qazaq memlekettik basqarý akademııasyn «qarjy jáne nesıe» mamandyqtary boıynsha bitirgen.

Eńbek jolyn 1989 jyly Merki aýdandyq qarjy bóliminde aǵa ekonomıst bolyp bastaǵan.

Ár jyldary Merki aýdandyq qarjy bóliminiń boljaý jáne ekonomıkalyq taldaý bóliminiń aǵa mamany, bastyǵy, Merki aýdandyq qarjy bólimi meńgerýshisiniń orynbasary, Taraz qalasy ákimdiginiń qarjy bólimi meńgerýshisiniń orynbasary, Jambyl oblysy ákimdiginiń qarjy basqarmasy bastyǵynyń orynbasary, ekonomıka jáne bıýdjettik josparlaý, jumyspen qamtýdy úılestirý jáne áleýmettik baǵdarlamalar basqarmalarynyń basshysy qyzmetterin atqarǵan.




2019-2020 jyldary «Azamattarǵa arnalǵan úkimet» Memlekettik korporatsııasy» kommertsııalyq emes aktsıonerlik qoǵamynyń Jambyl oblysy boıynsha fılıaly basqarmasynyń basshysy, dırektor orynbasary bolyp eńbek etken.

2020 jylǵy mamyrdan bastap búgingi kúnge deıin Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń basshysy laýazymynda qyzmet atqaryp keldi.


Joǵary qaraı