Aýa raıy
Astana 19 °S
Almaty 30 °S
valıýta baǵamy
USD 412.55
EUR 468.66
RUB 5.79
CNY 58.80

Jalpy ishki ónimge shaqqandaǵy kóleńkeli ekonomıka 23% tómendedi

2020 jyldyń 30 maýsym 2020 09:59

NUR-SULTAN. QazAqparat – QR Qarjy mınıstriniń mindetin atqarýshy Berik Sholpanqulov kóleńkeli ekonomıkany tómendetý jónindegi sharalardy baıandady, dep habarlaıdy QazAqparat tilshisi.

Onyń aıtýynsha, QR 2025 jylǵa deıingi strategııalyq damý josparynda 2025 jylǵa qaraı JІÓ shaqqandaǵy kóleńkeli ekonomıka úlesin 20%-ke deıin tómendetý ındıkatory kózdelgen.

«Qoıylǵan mindetterge qol jetkizý úshin Úkimet Kóleńkeli ekonomıkaǵa qarsy is-qımyl jónindegi 2019-2021 jyldarǵa arnalǵan sharalar josparyn júzege asyrýda. Jospardyń negizgi baǵyttary: salyqtyq jáne kedendik ákimshilendirýdi tsıfrlandyrý; qolma-qol aqshasyz esep aıyrysýdy damytý; qylmystyq jolmen alynǵan kiristerdi zańdastyrýǵa qarsy is-qımyl jáne zańnamany jetildirý bolyp tabylady. Josparda qabyldanǵan sharalar arqyly ótken jyly kóleńkeli ekonomıka jalpy ishki ónimge shaqqanda 23,62%-ke deıin tómendedi», - dedi B. Sholpanqulov Úkimettiń búgingi otyrysynda.

Ásirese, saýda salasynda kóleńkeli ekonomıkanyń aıtarlyqtaı tómendegeni baıqalady (10,7%). Ózge de salalar boıynsha – «Kólik jáne qoımalaý» – 17%, «Aýyl, orman jáne balyq sharýashylyǵy» – 9,7%, «Qurylys» – 8,3%, «Óńdeý ónerkásibi» - 6,5% deıin tómendegen.

«2019 jyly bıýdjetke qosymsha 1,5 trln teńge tústi. Túsimniń negizgi somasy - shamamen 916 mlrd teńge salyq jáne kedendik tsıfrlandyrýdan túsken. Qalǵan 580 mlrd teńge basqa baǵyttarǵa tıesili», - dedi spıker.


Joǵary qaraı