Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jalǵan vaktsına pasportyn jasatqan áıel reanımatsııada kóz jumdy – Mańǵystaý

2021 jyldyń 15 qazan 2021 12:54

NUR-SULTAN. QazAqparat – Mańǵystaýda jalǵan vaktsına pasportyn jasatqan áıel reanımatsııada kóz jumǵan. Ortalyq kommýnıkatsııalar qyzmeti uıymdastyrǵan onlaın brıfıngide BAQ kóilderiniń jalǵan vaktsınatsııamen kúres týraly saýalyna jaýap bergen Mańǵystaý oblysy ákiminiń orynbasary Gúlmıra Qalmuratova osyndaı derek keltirdi, dep habarlaıdy QazAqparat tilshisi.

«Vakıtsnatsııanyń taza júrýin biz áýel bastan qolǵa aldyq. Búgingi tańda ekpe beketteriniń bárinde baqylaý kameralary ornatylǵan. Negizi Mańǵystaý oblysynda anyqtalǵan derek boıynsha kezinde aqparat berilgen. Polıtsııa departamentiniń málimet boıynsha Aqtaý qalasyndaǵy №1 emhanada bul fakti tirkelgen. Ókinishke qaraı ol iske dárigerlermen men medbıkelerdiń qatysy bar bolyp shyqty. Qazir sotqa deıingi tergeý júrip jatyr. Odan basqa faktiler anyqtalǵan joq», - degen ákimdik ókili.

Sondaı-aq, ol bıyl Mańǵystaý oblysynda COVID-19 indetin juqtyrý kórsetkishi byltyrǵydan 5 artqanyn eske saldy.

«Baǵana da aıttym, 2020 jyldan bastap 23 myńnan astam mańǵystaýlyq aýyrdy. Sonyń ishinde 19 337 adam 2021 jyldyń basynan beri koronavırýspen aýyrǵan. ıAǵnı, naýqastaný deńgeıi byltyrǵydan 5 ese kóp. Solardyń ishinde statsıonarlarda emdelip shyqqandardyń sany 14 myńǵa jaqyn. Olardyń ishinde 89 adam vaktsınanyń birinshi komponentin alyp, ımmýnıteti ýaqytynda qalyptaspaı, aýyryp qalǵan. Ol kisiler emdelip shyqty. Eki komponetin de alyp aýyrǵan 65 naýqas statsıonarda emdeldi», - degen ákimniń orynbasary vaktsınatsııadan keıin indet juqtyryp aýrýhanǵa túskenderdiń ishinde ekpe qujatyn qoldan jasaǵan adam kezdeskenin atady.

«Biz osy naýqastar arasynda árbirin tekserip, «ekpeni shynymen aldy ma, álde jalǵan pasporty jasatty ma» degen saýalǵa jaýap izdedik. «Basqa óńirge baryp keldim, sonda vaktsına alǵan edim» dep, biraq, ókinishke qaraı, reanımatsııaǵa túsip qaıtys bolǵan azamatsha boldy bizde. Árıne bul jerde eki jaqtyń máselesi bar. Ózimiz ózimizdi aldaǵandaı boldyq. Vaktsınadan qoryqqannan osylaı boldy», - dedi Gúlmıra Qalmuratova.


Joǵary qaraı