Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jaldamaly baspana úshin tólemdi qaı organ taǵaıyndap, iske asyrady

2022 jyldyń 28 qańtar 2022 13:35

NUR-SULTAN. QazAqparat – QR Úkimetiniń Indýstrııa jáne ınfraqurylymdyq damý mınıstrliginiń fýnktsııasyn keńeıtetin jańa qaýlysy shyqty, dep habarlaıdy QazAqparat tilshisi.

QR Úkimetiniń 2022 jylǵy 27 qańtardaǵy №31 Qaýlysynda QR Indýstrııa jáne ınfraqurylymdyq damý mınıstrligi atqaratyn fýnktsııalardyń qataryna jeke turǵyn úı qorynan jalǵa alynatyn turǵynjaı úshin azamattardyń jekelegen sanattaryna tólemder taǵaıyndaý jáne olardy júzege asyrý qaǵıdalaryn ázirleý, bekitý fýnktsııasy beriletini aıtylǵan.

«Kórsetilgen qaýlymen bekitilgen QR Indýstrııa jáne ınfraqurylymdyq damý mınıstrligi týraly erejeniń 16-tarmaǵyndaǵy ortalyq apparattyń fýnktsııalary mynadaı mazmundaǵy 659-2) tarmaqshamen tolyqtyrylsyn:

Jeke turǵyn úı qorynan jalǵa alynatyn turǵynjaı úshin azamattardyń jekelegen sanattaryna tólemder taǵaıyndaý jáne olardy júzege asyrý qaǵıdalaryn ázirleý jáne bekitý».

Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis», -delingen Qaýlyda.

Eske salaıyq, baspanaǵa asa muqtaj azamattarǵa qaıtalama naryqta baspanany jalǵa alǵany úshin tólem taǵaıyndaý tapsyrmasyn Memleket basshysy Qasym-Jomart Toqaev bergen bolatyn.

Osyǵan sáıkes QR Úkimeti Indýstrııa jáne ınfraqurylymdyq damý mınıstrligine azamattardyń áleýmettik jaǵynan az qamtylǵan sanattaryna jeke turǵyn úı qorynan turǵyn úıdi jaldaý úshin tólemderdi taǵaıyndaý jáne tóleý tártibin aıqyndaý jóninde ókilettikter beretin Qaýly qabyldady.

Keshe QR IIDM jalǵa alynǵan úıdiń qunyn memleket esebinen óteý boıynsha sharttardy jarııalady. Mınıstrlik málimetinshe, búgingi tańda ázirlengen sharttarǵa sáıkes keletin 70 myń azamat bar. Arendalyq úıdiń quny «50% memleket, qalǵan 50% jalǵa alýshy tóleıdi» negizinde óteledi.




Joǵary qaraı