Aýa raıy
Astana -22 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Jaqyn kúnderi vaktsına keledi dep úmittenýge áli erte – sarapshy

2020 jyldyń 28 qarasha 2020 17:15

NUR-SULTAN. QazAqparat – «Qoǵamdyq densaýlyq saqtaý joǵary mektebi» Epıdemıologııa, bıostatıstıka jáne dáleldi medıtsına kafedrasynyń dotsenti, medıtsına ǵylymdarynyń kandıdaty, dáleldi medıtsına sarapshysy Rafaıl Qypshaqbaev koronavırýstyń mýtatsııasy men kezekti tolqynynyń aldyn alý jóninde suhbat berdi, dep habarlaıdy QazAqparat tilshisi.

Onyń aıtýynsha, barlyq ýaqytta vırýs pen bakterııalardyń mýtatsııasy ózderine qarsy qoldanylatyn dárilik zattarǵa tózimdirek etedi. Bakterııalar ádette antıbıotıkterge, al vırýstar – basqa preparattardyń áserine tózimdi bolady, aǵzaǵa tez enip, jyldam áser etedi. ıAǵnı, kez kelgen mýtatsııa aýrýdyń kúsheıýine jáne adamnyń azyraq qorǵalýyna ákep soǵady.

«Koronavırýs jóninde pikir bildirý óte qıyn. Bul degenimiz qaıyry joq, jańa ári zerttelmegen is. Biz qazir tek boljam jasaı alamyz. Qolda bar derekterge súıene otyryp, qandaı da bir stsenarıı qurýǵa bolady, biraq eshkim naqty eshteńe aıta almaıdy. Sondyqtan ınfektsııa taralady degen boljam bar. Ázirge eń yqtımal boljam osy», - dep atap ótti sarapshy.

Medıtsına mamany koronavırýstyń kezekti tolqyny bola ma, bolǵan jaǵdaıda neden saqtaný kerek degen suraqtarǵa jaýap berdi.

«Qazirgi ýaqytta shekara mańyndaǵy oblystar karantınge jabyldy. Mysaly, Shyǵys Qazaqstan oblysynda aýrý boıynsha eń joǵary kórsetkish baıqalýda. Koronavırýstyń ekinshi tolqyny bolsa, neden saqtanýymyz kerek? Eń aldymen adam bul vırýsty juqtyrýy múmkin jáne saldary qaıǵyly bolýy múmkin, vırýs juqtyrýdan saqtaný kerek. Sondyqtan, bul rette halyq birinshi lokdaýnnan keıin bosańsydy. ıAǵnı, olar maska taǵýdy, áleýmettik qashyqtyqty saqtaýdy qoıdy. Dál qazir munyń ómirimizdiń shyndyǵy bolǵanyn túsiný kerek. Koronavırýstyń ómirimizge enip, jaqyn arada ketpeıtinin túsinýimiz kerek», - deıdi sarapshy.

Sondyqtan, dáriger qazir ustanýǵa mindettelgen normalardy tutas ómirlik normalarǵa aınaldyrýdy usynady.

«Bizdiń aınalamyzda ınfektsııa kóp. Biz týberkýlez mıkobakterııalary men SPID vırýsy bar álemde ómir súrip jatyrmyz. Áli de tirshiligimizdi jalǵastyryp kelemiz. Endi barlyq usynylǵan sharalardy saqtaý kerek. Tıisinshe bul koronavırýstyń ekinshi tolqyny aǵynyn azaıtady. Odan qashyp qutylmaıtynymyz anyq. Biz tek qarapaıym sharalardy saqtaı otyryp, onyń deńgeıin tómendete alamyz. Qandaı da bir ǵajaıypty kútýdiń qajeti joq. Vaktsına bizge áli jetken joq. Vaktsına tezirek jasalady dep úmittenemiz. Biraq biz tolyq zerttelmegen vırýsqa vaktsına jasaýdyń tosyn jaıttarǵa, beımálim reaktsııalarǵa toly bolatynyn túsinýimiz kerek. Sondyqtan jaqyn kúnderi vaktsına keledi dep úmittenýge áli erte», - dep pikir bildirdi Rafaıl Qypshaqbaev.

Joǵary qaraı