Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jaǵdaıyńyzdy bilip keteıik: Túrkistandyq turǵyndy beımezgil mazalaǵan tártip saqshylaryna qatań sógis berildi

2022 jyldyń 19 qańtar 2022 19:58

TÚRKІSTAN. QazAqparat - Túrkistan oblysynda turǵyndy beımezgil mazalaǵan tártip saqshylaryna qatań sógis berildi, dep habarlaıdy QazAqparat tilshisi.

Búgin áleýmettik jelide qos polıtsııa qyzmetkeriniń turǵynnyń úıine beımezgil barǵany týraly vıdeo tarady. Onda tártip saqshylary ózderin talapqa saı ustamaǵandyǵyn kórýge bolady.

Áleýmettik jeli arqyly tikeleı efırge shyqqan kelinshek olardyń úıine ne úshin kelgenin suraǵanda «Eshqandaı sebep joq, prosto jaǵdaıyńyzdy bilip keteıik degenbiz ǵoı» dep jaýap bergenin kórýge bolady.


«Úıde, úıde joǵyńyzdy tekserip keldik, úıde ekensiz boldy, basqa suraǵymyz joq» degen tártip saqshylary ne úshin kelgenin naqty túsindire almaıdy. Sondaı-aq, beıbereket kúlip, ózderin tártipke saı ustamaǵan.

Jalpy jelige shyqqan beıne Túlkibas aýdanynda oryn alǵan. Ózderiniń talapqa saı ustamaǵan tártip saqshylaryna qatań sógis berildi.

«Beınejazbadaǵy Túlkibas APB-niń eki qyzmetkerine Qazaqstan Respýblıkasy Prezıdentiniń «QR memlekettik qyzmetshileriniń ádeptilik normalaryn jáne minez-qulyq qaǵıdalaryn odan ári jetildirý jónindegi sharalar týraly» jáne QR ІІM-niń «Polıtseı standartyn bekitý týraly» buıryǵynyń talaptaryn óreskel buzǵany úshin árqaısysyna jeke dara «qatań sógis» tártiptik sharasy qoldanyldy» - delingen Túrkistan oblysy polıtsııa departamentiniń baspasóz qyzmeti taratqan habarlamady.


Joǵary qaraı