Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Zeınetaqy jınaqtaryn alýdaǵy jaǵdaı baǵdarlamaǵa degen senimdi tómendetedi – senator

2021 jyldyń 9 jeltoqsan 2021 11:02

NUR-SULTAN. QazAqparat - Senator Nurlan Qylyshbaev Premer-Mınıstr Asqar Mamınniń atyna joldaǵan depýtattyq saýalynda azamattardyń zeınetaqy jınaqtaryn paıdalanýyna qatysty máseleni kóterdi, dep habarlaıdy QazAqparat tilshisi.

N. Qylyshbaev Memleket basshysy zeınetaqy esep-shotynan artyq jınaǵyn alýyna múmkindik beriletin azamattar sanatyn birtindep ulǵaıtýdy tapsyrǵanyn eske saldy.

Senator qazirgi tańda shektik somalardy qaıta esepteý taqyryby qoǵamda talqylanyp jatqanyn aıta kelip, ol óz jınaǵyn paıdalana alatyn adamdar sanyn azaıatynyn atap ótti.

«Endi óz jınaqtarynyń bir bóligin paıdalana alatyn BJZQ salymshylarynyń sany kúrt qysqarýy múmkin. Eger 2021 jyly olardyń sany 700 myńnan astam Qazaqstan Respýblıkasynyń azamaty bolsa, 2022 jylǵy shekti qaıta esepteýge baılanysty bul san túbegeıli ózgeredi. Jetkilikti shektegi jasy kelgen qatysýshylar úshin 63%-dan eń jas qatysýshylar úshin 82%-ǵa deıin ósedi dep kútilýde. Qalyptasqan jaǵdaı osy baǵdarlamaǵa degen senimge nuqsan keltiredi», - dedi depýtat Nurlan Qylyshbaev Senattyń jalpy otyrysynda.

Senator osyǵan baılanysty jyldyq ınflıatsııa deńgeıinen aspaıtyn shekti ulǵaıtý múmkindigin qarastyra otyryp, Mınıstrler kabınetiniń basshysynan eń tómengi jetkiliktilik shegin esepteý ádistemesine ózgerister engizý máselesin qarastyrýdy surady.


Joǵary qaraı