Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Zeınetaqy jınaǵyn paıdalaný: Platformada «BJZQ-ǵa qarajatty qaıtarý» múmkindigi paıda boldy

2021 jyldyń 26 aqpan 2021 09:49

NUR-SULTAN. QazAqparat – enpf-otbasy.kz onlaın-platformasynda «BJZQ-ǵa qarajatty qaıtarý» batyrmasy iske qosyldy, dep habarlaıdy QazAqparat Otbasy bankine silteme jasap.

«enpf-otbasy.kz onlaın-platformasynda «BJZQ-ǵa qarajatty qaıtarý» batyrmasy iske qosyldy. Endi, ótinimdi qate jibergen bolsańyz nemese oıyńyzdan aınyǵan bolsańyz, arnaıy shotqa túsken qarajatty BJZQ-ǵa qaıtarý úshin 45 kún kútýdiń qajeti joq. Ony platformadaǵy jeke kabınetińih arqyly ońaı jasaı alasyz», - delingen habarlamada.

Qarajatty úsh qadammen qaıtarýǵa bolady.
1. enpf-otbasy.kz onlaın platformasyna jeke ETsQ arqyly kirińiz;
2. Joıǵyńyz keletin ótinimdi ashyńyz;
3. BJZQ-ǵa qarajatty qaıtarý dep atalatyn qyzǵylt sary batyrmany basyńyz.
3 - jumys kúni ishinde sizdiń arnaıy shotyńyzdaǵy qarajat zeınetaqy shotyńyzǵa qaıtarylady. Aqsha túskennen keıin, qajet bolǵan jaǵdaıda, siz qaıtadan birjolǵy zeınetaqy tólemin alýǵa ótinim joldaı alasyz.
Eger sizdiń ótinimińiz maquldanǵan bolsa jáne sizdiń arnaıy shotyńyzda qaldyq aqshańyz qalsa, onda qarajatty merziminen buryn qaıtarýǵa bolmaıdy.
Qaldyq soma 45 kúnnen keıin zeınetaqy shotyńyzǵa avtomatty túrde qaıtarylatyn bolady.

Eske salsaq, 2 qańtarda QR Prezıdenti Qasym-Jomart Toqaev zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.

Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.

23 qańtardan Qazaqstanda zeınetaqynyń bir bóligin alýǵa ótinim qabyldaý bastaldy. Arnaıy portalda zeınetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.


Joǵary qaraı