Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zeınetaqy tólemderiniń ortasha mólsheri - 105 myń teńge

2022 jyldyń 18 sáýir 2022 09:50

NUR-SULTAN. QazAqparat - 1 naýryzdaǵy jaǵdaı boıynsha qazaqstandyqtarǵa 704,9 mlrd teńgeden astam somaǵa zeınetaqy tólendi. Bul týraly QazAqparat Eńbek mınıstrligine silteme jasap habarlaıdy.

2022 jylǵy naýryzda respýblıkalyq bıýdjetten zeınetaqy tólemderine 234,8 mlrd teńgeden astam, onyń ishinde bazalyq zeınetaqyny tóleýge – 71,4 mlrd teńge, yntymaqty zeınetaqyny tóleýge – 163,4 mlrd teńge bólindi.

2022 jylǵy 1 sáýirdegi jaǵdaı boıynsha zeınetkerler sany 2 mln 245,6 myńnan astam adamdy quraıdy. Zeınetaqy tólemderiniń ortasha mólsheri (bazalyq zeınetaqy tólemin eskere otyryp) 105 344 teńgeni qurady.

2018 jylǵy 1 shildeden bastap memlekettik bazalyq zeınetaqy tólemi, zeınetaqy júıesindegi tájirıbesin eskere otyryp, ár alýshyǵa jeke taǵaıyndalǵanyn eske salaıyq.

Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary (budan ári – MZJ) tólengen kezeńder zeınetaqy júıesindegi eńbek ótiline qosylady.

Sonymen, eger zeınetaqy júıesindegi jumys ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy eń tómengi kúnkóris deńgeıiniń 54%-yn quraıdy, sodan keıin 10 jyldan asqan ár jyl úshin onyń mólsheri 2%-ǵa artady. Mysaly, eger siz 20 jyl qatyssańyz, bazalyq zeınetaqy kúnkóris deńgeıi qunynyń 74%-dy, 30 jyl – kúnkóris qunynyń 94%-yn quraıdy. 33 jáne odan da kóp jyl jumys ótili bolsa, kúnkóris qunynyń 100% joǵary mólsherinde belgilenedi.

Eger bir aı ishinde MZJ Biryńǵaı jınaqtaýshy zeınetaqy qoryna birneshe ret jasalsa, jınaqtaýshy júıege qatysý merzimi bir aıdy quraıdy.

Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady.

Óz kezeginde, jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńde alynǵan ortasha aılyq tabysqa baılanysty bolady.


Joǵary qaraı