Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zeınetaqy aktıvterin 4 kompanııa basqarady

2022 jyldyń 22 sáýir 2022 09:49

NUR-SULTAN. QazAqparat - Búgingi tańda zeınetaqy aktıvteri tórt kompanııanyń senimgerlik basqarýynda. Bul týraly QazAqparat Qarjy naryǵyn retteý jáne damytý agenttigine silteme jasap habarlaıdy.

«Olar «BCC Invest» AQ, «Halyk Global Markets» AQ, «Jusan Invset» AQ jáne «Sentras Sekıýrıtız» AQ. 2022 jylǵy 1 sáýirde zeınetaqy aktıvteri ınvestıtsııalyq portfeliniń quny 8,6 mlrd teńgeni qurady. Zeınetaqy aktıvteri portfeliniń qurylymyna keri REPO mámileleri men aqsha qarajaty (29%), memlekettik baǵaly qaǵazdar, onyń ishinde QR memlekettik baǵaly qaǵazdary, QRUB nottary (25%), PAI-lar (24%), oblıgatsııalar (16%), aktsııalar men depozıtarlyq qolhattar (5%) kiredi. Valıýtalar bóliginde zeınetaqy aktıvteri portfeliniń qurylymynda ulttyq valıýta basym (71,5%), AQSh dollary zeınetaqy aktıvteri portfeliniń 28,5%-yn quraıdy», - delingen agenttik habarlamasynda.

Aıta ketsek, syrtqy naryqtarda jalǵasyp otyrǵan geosaıası shıeleniske qaramastan, Qazaqstannyń baǵaly qaǵazdar naryǵyndaǵy ahýal turaqty.



Basty sózder: Zeınetaqy júıesi, Qor rynogy,
Joǵary qaraı