Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zeınet jasyna jaqyndaǵan áıelderdi qoldaý amaldary qarastyrylýda – Lázzat Ramazanova

2022 jyldyń 14 mamyr 2022 21:05

NUR-SULTAN. QazAqparat - Qazaqstanda zeınet jasyna jaqyndaǵan áıelderdi qoldaý amaldary qarastyrylyp jatyr. Bul týraly QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lázzat Ramazanova aıtty, dep habarlaıdy QazAqparat.

Zeınet jasyn tómendetý máselesi jumys tobynda qaraldy. Oǵan QR Eńbek jáne halyqty áleýmettik qorǵaý mınıstri Tamara Dúısenova, Ulttyq komıssııa músheleri, Májilis depýtattary jáne Qazaqstan áıelder qozǵalysynyń belsendileri qatysty.

«Qoǵam belsendileri bul máseleni jıi qozǵap júr. Áıelderdiń 60 jastan keıin tolyqqandy jumys isteýi jáne bul jasta laıyqty eńbekaqyny qamtamasyz etýi qanshalyqty qıyn ekendigine dálelderin keltirýde. Kezinde zeınetkerlik jasyn ulǵaıtarda elimiz halyqaralyq tájirıbege súıendi. Alaıda eńbek ótilin jáne áıelder qyzmet etetin naqty salalardy, sondaı-aq densaýlyq saqtaý statıstıkasyn saralaýdy da eskerý asa mańyzdy», - dedi QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lázzat Ramazanova.

Ulttyq komıssııa tóraıymynyń aıtýynsha, sońǵy úsh kúnde QR Eńbek jáne halyqty áleýmettik qorǵaý mınıstrliginde belsendilerdiń qatysýymen kezdesýler ótken. Barlyq múddeli taraptyń aıtqan usynystary men dálelderin estip, ony jumys toby óz qaraýyna alǵan.

«Ózara túsinistik bar. Eńbek jáne halyqty áleýmettik qorǵaý mınıstrligi Zeınetaqy júıesin reformalaý tujyrymdamasy aıasynda alda jańasha esepteýdi qolǵa alyp, Úkimettiń qaraýyna usynady. Aldymyzda qyrýar jumys tur, dese de mańyzdy ári birinshi qadam jasaldy dep oılaımyn», - dedi Lázzat Ramazanova.

Osyǵan deıin belsendiler áıelderdiń zeınetke shyǵý jasyn tómendetýdi qoldaıtyn mıtıngti ótkizý týraly habarlaǵan bolatyn. Esterińizge salsaq, Qazaqstanda 2022 jylǵy 1 qańtardan bastap áıelderdiń zeınetke shyǵý jasy uzartylǵan. Salystyryp qara bolsaq, 2021 jyly áıelder zeınetke 60 jastan bastap shyǵatyn, al bıylǵy qańtardan bastap áıelderdiń zeınetke shyǵý jasy 60 jasqa taǵy 6 aı qosyp uzartylǵan. Al er kisiler zeınetke 63 jastan shyǵady.


Basty sózder: Zeınetaqy júıesi,
Joǵary qaraı